চিটাৰা ডেস্ক,5 আগষ্টঃ 1994 চনত ৰিলিজ হোৱা ৰোমান্টিক ড্ৰামা হম আপকে হে কৌন এনেকুৱা এখন ছবি, যাক ধৰা হয় বলীউডৰ এভাৰগ্ৰীণ ছবিৰ শাৰীত ৷
এই ছবিখনত মুখ্য চৰিত্ৰত অভিনয় কৰিছিল মাধুৰী দীক্ষিত আৰু চলমান খানে ৷ ছবিখন আজি অৰ্থাৎ বুধবাৰে সম্পূৰ্ণ মুক্তিৰ 26 টা বছৰ ৷এই বিশেষ ক্ষণত 26 বছৰৰ পূৰ্বৰ ছবিখনৰ এখন বিশেষ ফটো আৰু একেটা প'জতে বৰ্তমান সময়ৰ এখন ফটো ক'লাজ বনাই শ্বেয়াৰ কৰে অভিনেত্ৰী মাধুৰী দীক্ষিতে ৷
এই ফটোৰ লগত তেওঁ লিখিছে, "তেতিয়া আৰু এতিয়া ! বিশ্বাসে হোৱা নাই যে এই ছবিখনে 26 টা বছৰ সম্পূৰ্ণ কৰিলে ৷ দলটোৰ কষ্ট আৰু আমোদজনক স্মৃতি মনত পৰি গ'ল, দলটোৱে ছবিখন পাৰফেক্ট কৰিবলৈ একো সুবিধাই এৰা নাছিল ৷"
90 দশকৰ এই ছবিখন সেই সময়ত বক্স অফিচত 100 কোটি ক্লাৱ অৰ্জন কৰা প্ৰথমখন ভাৰতীয় ছবি আছিল ৷ ইয়াৰোপৰি ছবিখনে মুঠ 13 টা শিতানত ফিল্মফেয়াৰ এৱাৰ্ড অৰ্জন কৰিবলৈ সক্ষম হৈছিল ৷
লগতে পঢ়কঃকৰীণাৰ ওপৰত খং উজাৰি কংগনাই ক'লে, "আপোনালোক সকলোৱে বলীউডক বুলীউড কৰি পেলালে"