চিটাৰা ডেস্ক, 9 আগষ্ট : ছলমান খানৰ নতুন ছবি ‘কভী ঈদ কভী দীৱালী’ৰ পৰা শ্বেহনাজ বাহিৰ হ’ল বুলি খবৰটোৱে কালিৰে পৰা যথেষ্ট চৰ্চা লাভ কৰিছে (Shehnaaz Gill Kabhi Eid Kabhi Diwali) ৷ খবৰটোৱে শ্বেহনাজৰ অনুৰাগীসকলক হতাশ কৰি তুলিছিল ৷ পিছে বিভিন্ন সংবাদ মাধ্যমত প্ৰচাৰ হোৱা এই বাতৰিটো দেখি নিজৰ মুখ বন্ধ কৰি ৰাখিব নোৱাৰিলে শ্বেহনাজে ৷
বলীউডত যিখন ছবিৰে প্ৰথম খোজ দিয়াৰ কথা সেইখন ছবিৰ পৰাই শ্বেহনাজ গীল বাহিৰ ওলাল বুলি কালিৰে পৰা প্ৰচাৰ হৈ থকা বাতৰি প্ৰসংগত নিজৰ মত দিলে তাৰকাগৰাকীয়ে (Shehnaaz Gill instagram) ৷ কি ক’লে শ্বেহনাজে জানো আহকচোন-
এটা ইনষ্টা ষ্ট’ৰীৰ জৰিয়তে বাতৰিটোৰ সন্দৰ্ভত সকলো কথা খোলা খুলিকৈ প্ৰকাশ কৰিছে শ্বেহনাজে (Shehnaaz Gill instagram) ৷ শ্বেহনাজে লিখিছে, "এনেধৰণৰ উৰাবাতৰিবোৰ বিগত কেইসপ্তাহ মানৰ পৰা মোৰ বাবে মনোৰঞ্জনৰ খোৰাক হৈ পৰিছে" ৷
মন কৰিবলগীয়া কথাটো হ’ল যে শ্বেহনাজে এই ছবিখনেৰে বলীউডত অভিষেক ঘটাবলৈ গৈ আছে ৷ ছবিখনৰ পৰা বাহিৰ হোৱা উৰাবাতৰিৰ প্ৰসংগত অনুৰাগীক সোনকালেই স্পষ্টীকৰণ দিয়াৰ বাবে অনুৰাগীসকলে ধন্য মানিছে শ্বেহনাজক ৷ দক্ষিণৰ অভিনেত্ৰী পূজা হেগড়েই ছলমান খানৰ এই ছবিখনত মুখ্য চৰিত্ৰত অভিনয় কৰিব ।
লগতে পঢ়ক :Esha Gupta video: চকুৰ টোপনি নাইকিয়া হৈ যাব আপোনাৰ ঈশা গুপ্তাৰ শেহতীয়া ভিডিঅ’ দেখি!