Srimanta Sankardev Sangha Adhiveshan : সম্প্ৰীতি আৰু সমন্বয়ৰ বিৰল নিদৰ্শন

2022 চনৰ ফেব্ৰুৱাৰী মাহত ডিব্ৰুগড় জিলাৰ নাহৰকটীয়াত অনুষ্ঠিত হ’ব শ্ৰীমন্ত শংকৰদেৱ সংঘৰ 91 তম বাৰ্ষিক অধিৱেশন(Srimanta Sankardev Sangha Adhiveshan to be held at Naharkatiya) ৷ 40 লাখ ভক্তক আদৰিবলৈ সাজু হৈছে অধিবেশনৰ উদ্যোক্তাসকল ৷ শনিবাৰে অধিবেশনস্থলী পৰিদৰ্শনৰ বাবে উপস্থিত ডিব্ৰুগড় জিলা উপায়ুক্ত আৰু বিধায়ক তৰংগ গগৈ(MLA Taranga Gogoi and Dibrugarh DC visit to the place) ৷

মৰাণ, 6 ডিচেম্বৰ : আগন্তুক বৰ্ষৰ ফেব্ৰুৱাৰী মাহত অনুষ্ঠিত হ'ব শ্ৰীমন্ত শংকৰদেৱ সংঘৰ 91 সংখ্যক অধিবেশন(Srimanta Sankardev Sangha Adhiveshan to be held at Nahakatiya) ৷ ফেব্ৰুৱাৰী মাহৰ 4, 5, 6 তাৰিখে তিনিদিনীয়া বৰ্ণাঢ্য কাৰ্যসূচীৰে অনুষ্ঠিত হ'বলগীয়া এই অনুষ্ঠানটো নাহৰকটীয়াৰ ৰাঙলী পথাৰত অনুষ্ঠিত হ'ব ৷ ইতিমধ্যে শনিবাৰৰ পৰা আৰম্ভ হৈছে অধিবেশনৰ যুদ্ধকালীন প্ৰস্তুতি ৷

বাগ্মীবৰ নীলমণি ফুকন সমন্বয় ক্ষেত্ৰত অনুষ্ঠিত হ'ব লগীয়া অধিবেশনৰ এই অধিবেশনস্থলীত শনিবাৰে নৰা কটা পৰ্বত অংশ লয় নাহৰকটীয়া মুছলমান সমাজে ৷ নাহৰকটীয়াৰ ৰঙালী পথাৰ মছজিদ কমিটিৰ সৌজন্যত প্ৰায় দুই শতাধিক ইছলাম ধৰ্মাৱলম্বী লোকে অধিবেশনস্থলীত উপস্থিত থাকি নৰা কটাৰ লগতে চাফ-চিকুণ কৰে ঠাইডোখৰ ৷

ইফালে শনিবাৰে বিভিন্ন চৰকাৰী বিভাগৰ মুৰব্বীসকলৰ সৈতে স্থানীয় বিধায়ক তৰংগ গগৈ আৰু ডিব্ৰুগড়ৰ জিলা উপায়ুক্ত বিশ্বজিৎ পেগুৱে(MLA Taranga Gogoi and Dibrugarh DC visit to the place) পৰিদৰ্শন কৰিলে অধিবেশনস্থলী ৷ অধিবেশনস্থলী পৰিদৰ্শন কৰি জিলা উপায়ুক্ত আৰু স্থানীয় বিধায়ক গৰাকীয়ে আদৰণী সমিতিক সকলো প্ৰকাৰৰ সহায়-সহযোগীতা আগবঢ়াই যাব বুলি আশ্বাস প্ৰদান কৰে ৷

ইতিমধ্যে এই অধিবেশনখন সফল আয়োজনৰ বাবে চেপ্তেম্বৰ মাহত নাহৰকটীয়া ক্ৰীড়া সন্থাৰ খেলপথাৰস্থিত ৰঙালী ৰূপালী মঞ্চত অনুষ্ঠিত এক ৰাজহুৱা সভাত গঠন কৰা হয় এখন উদযাপন সমিতি ৷

উল্লেখ্য যে চলিত বৰ্ষতে অনুষ্ঠিত হ'বলগীয়া এই অধিৱেশন কৰ’ণা মহামাৰীৰ বাবে পিছুৱাই দিয়া হয় ৷ সম্প্ৰতি কৰ’ণা সংক্ৰমণৰ হাৰ পূৰ্বতকৈ হ্ৰাস পোৱাৰ প্ৰতি লক্ষ্য ৰাখি আগন্তুক বৰ্ষত অধিবেশনখন সুন্দৰ আৰু সফলভাৱে অনুষ্ঠিত কৰাৰ সিদ্ধান্ত লৈছে অধিৱেশন সমিতিয়ে ৷

লগতে পঢ়ক :নাহৰকটীয়াত হ’ব শংকৰদেৱ সংঘৰ বাৰ্ষিক অধিৱেশন