নেশ্যনেল ডেস্ক,২৫ মাৰ্চ :১৮ মাৰ্চৰ পৰা পঞ্জাৱ আৰক্ষীয়ে খালিস্তান সমৰ্থক অমৃতপাল সিং আৰু তেওঁৰ সহযোগীসকলৰ বিৰুদ্ধে ব্যাপক অভিযান অব্যাহত ৰাখিছে (Operation against Khalistan supporters)। এতিয়াও অমৃতপাল সিঙক গ্ৰেপ্তাৰ কৰিব পৰা নাই আৰক্ষীয়ে । ইয়াৰ মাজতে আৰক্ষীয়ে দাবী কৰিছে অমৃতপালে পলায়ন কৰিছে । কিন্তু সম্প্ৰতি ক'ত আছে অমৃতপাল সিং ।
তদন্তৰ মাজতে ক্ৰমে লুধিয়ানা আৰু পাটিয়ালাৰ পৰা কিছুমান ফটো আৰু আলোকচিত্ৰ আৰক্ষীয়ে লাভ কৰিছে । চিচিটিভি ফুটেজো আৰক্ষীয়ে লাভ কৰিছে (Amritpal caught on CCTV footage)। যাৰ পৰা আৰক্ষী নিশ্চিত হৈছে যে ১৮ ৰ পৰা ২০ মাৰ্চলৈ অমৃতপালে ছদ্মবেশত পঞ্জাৱতে ঘূৰি ফুৰিছিল আৰু তেওঁক পাঞ্জাৱৰ পৰা পলাই যোৱাৰ ক্ষেত্ৰত পাপলপ্ৰীত সিং আৰু বলজিৎ কৌৰে সহায় কৰিছিল ।
অমৃতপাল সিং আৰু তেওঁৰ সহযোগী পাপলপ্ৰীতক লুধিয়ানা ৰোডত দেখা গৈছে । ১৮ মাৰ্চৰ নিশাৰ এক চিচিটিভি ফুটেজ পোহৰলৈ আহিছে । অমৃতপালক পাপলপ্ৰীতৰ সৈতে গুলপীয়া পাগুৰি পিন্ধি ৰাস্তাত দেখা গৈছিল । ফিল্লৌৰৰ পৰা তেওঁ এজন স্কুটি আৰোহীৰ পৰা লিফ্ট লৈ লাডোভালৰ এটা লেতেৰা ৰাস্তাত উপস্থিত হৈছিল । তাতো তেওঁক চিচিটিভি কেমেৰাত দেখা গৈছে (CCTV videos of Amritpal Singh)।
চিচিটিভিত তেওঁৰ সৈতে এগৰাকী তৃতীয় ব্যক্তিকো দেখা গৈছে, কিন্তু তেওঁক চিনাক্ত কৰিব পৰা হোৱা নাই । কোৱা হৈছে যে অমৃতপাল সিঙে লাডোৱালৰ পৰা জলন্ধৰ বাইপাছলৈ এখন অটোত গৈছিল । তাৰ পৰা তেওঁ শ্বেৰপুৰ চকলৈ এখন অটো লৈ গৈছিল । অমৃতপালৰ এটা ভিডিঅ' শ্বেৰপুৰ চকৰ পৰা উদ্ধাৰ কৰিছে আৰক্ষীয়ে ।
২০ মাৰ্চলৈ পঞ্জাৱৰ বিভিন্ন স্থানত দেখা গৈছিল অমৃতপালক সংবাদ মাধ্যমৰ বাতৰি অনুসৰি, অমৃতপালক পাটিয়ালা ৰোডৰ গুৰুদ্বাৰা চাহাৰ নিৱাৰণ চাহিবৰ ওচৰত দেখা গৈছিল (Amritpal Singh in Patiala)। অমৃতপালে মুখত মাস্ক পিন্ধি আছিল যাতে তেওঁক কোনেও চিনি নাপায় । ফটোখনত দেখা গৈছে যে তেওঁ এখন হাতত এটা ক'লা মোনা লৈ আছে, ইয়াৰ লগতে পাপলপ্ৰীতক ক'লা জিন্সত দেখা গৈছে ।
পাপলপ্ৰীতেও তেওঁৰ চেহেৰা কিছু সলনি কৰিছে । খোলা দাড়িৰ পৰিৱৰ্তে তেওঁৰ দাড়ি বান্ধি থোৱা আছে । আৰক্ষীয়ে জনোৱা মতে, অমৃতপালে তেওঁৰ সংগী পাপলপ্ৰীতৰ সৈতে শ্বাহবাদৰ সিদ্ধাৰ্থ কলনীত এদিনৰ বাবে আছিল । অমৃতপাল আৰু তেওঁৰ সংগী বগা ৰঙৰ এক্টিভাত শ্বাহবাদত উপস্থিত হৈছিল আৰু পিছদিনা বলজিৎ কৌৰে তেওঁলোকক একেখন এক্টিভাৰে পাটিয়ালালৈ লৈ গৈছিল ।
লগতে পঢ়ক :Amritpal was preparing for Khalistan : অমৃতপাল সিঙে যুৱকসকলক কিয় গুলীচালনাৰ প্ৰশিক্ষণ দিছিল ?
