গোলাঘাট, 30 এপ্ৰিল : গোলাঘাট জিলাৰ কুমাৰপট্টি অঞ্চলত মঙলবাৰে আৰক্ষীয়ে গুলীচালনা কৰাৰ ঘটনা সংঘটিত হৈছে । আৰক্ষীৰ গুলীত গুৰুতৰভাৱে আঘাতপ্ৰাপ্ত হয় বাবা শ্যাম নামৰ এগৰাকী লোক ৷
ঘটনাৰ বিৱৰণী অনুসৰি, গোলাঘাট নগৰৰ কুমাৰপট্টি অঞ্চলৰ বাবা শ্যাম নামৰ এজন লোকে পুৱাৰে পৰা বিভিন্ন লোকক কোনো কাৰণ নোহোৱাকৈ প্ৰহাৰ কৰি আছিল । বাবাই ৰিতু বৰা নামৰ এগৰাকী মহিলাক আক্ৰমণৰ চেষ্টা কৰাত মহিলাগৰাকীয়ে স্বামী সঞ্জীৱ বৰাক খবৰ দিয়ে ৷ ততালিকে তেওঁ ঘৰত উপস্থিত হোৱাত পাচফালৰ পৰা এডাল ৰ’ডেৰে প্ৰহাৰ কৰে লোকজনে ।
লগে লগে স্থানীয় ৰাইজে আহত সঞ্জীৱ বৰাক গোলাঘাটৰ শ্বহীদ কুশল কোঁৱৰ অসামৰিক চিকিৎসালয়লৈ প্ৰেৰণ কৰি স্থানীয় আৰক্ষীক ঘটনা সন্দৰ্ভত খবৰ দিয়ে ৷ আৰক্ষীয়ে এই ঘটনাৰ খবৰ পাই ঘটনাস্থলীত উপস্থিত হোৱাৰ লগে-লগে আৰক্ষীকো প্ৰহাৰ কৰিবলৈ আগবাঢ়ি আহে বাবা শ্যামে ।
মোৰ ল’ৰাটোক আৰক্ষীয়ে গুলীয়ালে... দুৰ্ভগীয়া মাতৃৰ কান্দোন