Prathidhwani: అనుమతి లేకుండానే వ్యక్తిగత డేటా సేకరణ.. మరీ గోప్యత సంగతేంటి..!

వ్యక్తిగత సమాచార పరిరక్షణ బిల్లు జేపీసీ ఆమోదం పొందింది. త్వరలో పార్లమెంట్ ఆమోదం కోసం సభ ముందుకు రానుంది. దేశభద్రత వంటి కీలకమైన సందర్భాల్లో అనుమతి లేకుండానే వ్యక్తుల సమాచారం సేకరించే అవకాశం ఈ బిల్లు ద్వారా కలుగుతుంది. ప్రత్యేక పరిస్థితుల్లో ప్రభత్వం, నిఘా, దర్యాప్తు సంస్థలకు ఈ బిల్లు ఉపయోగపడనుంది. అయితే.. సామాజిక మాధ్యమాలు, ప్రైవేటు సంస్థలపై ఆంక్షలు విధించింది. తప్పుడు మార్గాల్లో డేటా సేకరిస్తే.. తీవ్రతను బట్టి జరిమానాలూ నిర్ణయించింది. ఈ నేపథ్యంలో అసలు వ్యక్తులకు తమ వ్యక్తిగత డేటా విషయంలో ఎలాంటి హక్కులున్నాయి? ఎలాంటి పరిస్థితుల్లో ఈ హక్కులకు మినహాయింపు ఇచ్చారు? ప్రభుత్వం, ప్రైవేటు సంస్థలు సేకరించిన డేటాకు పూర్తి భద్రత ఉంటుందా? ఇదే అంశంపై ఈరోజు ఈటీవీ భారత్ ప్రతిధ్వని చర్చా కార్యక్రమం.