Uttam Kumar Reddy, Telangana Election results 2023 Live : 'అవినీతి ప్రభుత్వాన్ని ప్రజలు తిప్పికొట్టారు'

Uttam Kumar Reddy, Telangana Assembly Election Results 2023 Live : తెలంగాణలో అసెంబ్లీ ఎన్నికల ఫలితాలపై ఉత్కంఠ నెలకొంది. పటిష్ఠ బందోబస్తు మధ్య ఓట్ల లెక్కింపు కొనసాగుతోంది. మెజార్టీతో గెలుస్తుందన్న అంచనాలతో కాంగ్రెస్​ పార్టీ వరుస విజయం ఖాతాలో వేసుకుంటోంది. అశ్వారావుపేట అభ్యర్థి ఆదినారాయణరావు విజయం సాధించారు. బీఆర్​ఎస్​ అభ్యర్థి మెచ్చా నాగేశ్వరరావుపై ఆదినారాయణ గెలుపొందారు. ఈ సందర్భంగా కాంగ్రెస్​ నేత ఉత్తమ్​కుమార్​రెడ్డి మాట్లాడారు. అవినీతి ప్రభుత్వాన్ని ప్రజలు తిప్పికొట్టారని అన్నారు. నిరంకుశ ప్రభుత్వానికి వ్యతిరేకంగా ప్రజలు తీర్పు ఇచ్చారని తెలిపారు. 

నియంతృత్వాన్ని తెలంగాణ ప్రజలు హర్షించరని ఉత్తమ్​కుమార్​రెడ్డి పేర్కొన్నారు. మెజార్టీ ఆధారంగా సీఎంని నియమిస్తారా అని ఓ విలేకరు ప్రశ్నించగా. ఓట్ల లెక్కింపు తర్వాత అధిష్ఠానమే తుది నిర్ణయం తీసుకుంటుందని చెప్పారు. మిగతా మూడు రాష్ట్రాల్లో కాంగ్రెస్​ పార్టీ వెనుకంజలో, బీజేపీ ముందంజలో ఉందని ప్రశ్నించగా. ఓట్ల లెక్కింపు పూర్తయ్యే వరకు పూర్తి ఫలితాలు తెలియదని, ఆ రాష్ట్రాల ఎన్నికల ఫలితాలపై తనకు అవగాహన లేదని వివరించారు.