కూలిన ఆ భవనంలో నాలుగేళ్ల బాలుడు సేఫ్​

మహారాష్ట్రలోని రాయ్​గఢ్​ జిల్లా మహద్​ ప్రాంతంలో సోమవారం కూలిన ఐదంతస్తుల భవనం శిథిలాల కింద చిక్కుకున్న ఓ నాలుగేళ్ల చిన్నారిని సహాయక సిబ్బంది కాపాడారు. గాయాలైన అతడిని సిబ్బంది ఆస్పత్రికి తరలించారు. ఇంత ప్రమాదం జరిగినా శిథిలాల కింద పడి ప్రాణాలతో బయటపడిన అతడిని కారణజన్ముడిగా అభివర్ణిస్తున్నారు స్థానికులు. ఈ ఘటనలో ఇప్పటివరకు ఇద్దరు మృతి చెందగా.. మరికొందరు ఇంకా శిథిలాల కింద చిక్కుకున్నారు.