మొక్కలు నాటడంలో దేశంలోనే తెలంగాణ అగ్రభాగాన ఉందని రాష్ట్ర విద్యుత్తు శాఖ మంత్రి గుంటకండ్ల జగదీశ్ రెడ్డి అన్నారు. కేసీఆర్ ముఖ్యమంత్రి అయిన తర్వాత మొక్కల పెంపు ఓ ఉద్యమంలా సాగుతోందన్నారు.
సూర్యాపేట జిల్లా కేంద్రంలో స్వచ్ఛ సర్వేక్షన్ - 2021 భాగంగా పురపాలక సంఘం నిర్వహించిన 2కే రన్ కార్యక్రమాన్ని బతుకమ్మ ఘాట్ వద్ద మంత్రి ప్రారంభించారు. రాజ్యసభ సభ్యుడు బడుగుల లింగయ్య యాదవ్, ఎమ్మెల్యే చిరుమర్తి లింగయ్య పాల్గొన్నారు. స్వచ్ఛ సర్వేక్షన్లో సూర్యాపేట మున్సిపాలిటీ అగ్రస్థానంలో నిలవాలని మంత్రి ఆకాంక్షించారు.
సూర్యాపేటను పరిశుభ్రంగా ఉంచడంలో ప్రజల భాగస్వామ్యం ఎంతో ఉందని జగదీశ్రెడ్డి అన్నారు. ఫలితంగానే సూర్యాపేట.. దేశంలోనే మంచి పేరు తెచ్చుకుందన్నారు. సీఎం కేసీఆర్ ఆలోచన మేరకు తడి, పొడి చెత్త వేరుగా సేకరించే విధానం గ్రామాల్లోనూ అమలవుతుందన్నారు. స్వచ్ఛ సూర్యాపేట సాధించే లక్ష్యంతో పని చేస్తామని ఏర్పాటు చేసిన ఫ్లెక్సీపై మంత్రి తొలి సంతకం చేశారు. 2కే రన్కు పట్టణ ప్రజలు భారీగా హాజరయ్యారు.
ఇవీచూడండి: ప్రమాదం ఆ ఇంట నింపింది పెను విషాదం
