Buy bike with rupee coins: 'స్పోర్ట్స్ బైక్ ఆ యువకుడి డ్రీమ్. కానీ అందరిలా కొనుగోలు చేస్తే ఏం వెరైటీ ఉంటుందనుకున్నాడేమో.. కొత్తగా ట్రై చేద్దామని.. తనకు కావల్సిన బైక్ ధర తెలుసుకొని అంత మొత్తం నాణేలతో షోరూం వెళ్లాడు. మంచిర్యాలకు చెందిన వెంకటేశ్ ఆన్లైన్లో ఓ గేమింగ్ ఛానల్ నిర్వహిస్తున్నాడు. ఛానల్ ద్వారా సంపాదించిన డబ్బులను చాలా జాగ్రత్తగా దాచుకున్నాడు.
చిన్నప్పటి నుంచి తాను ఎంతో ఇష్టపడే స్పోర్ట్స్ బైక్ కొనాలని షోరూంకి వెళ్లాడు. తన ఇష్టమైన బైక్, కలర్ చూశాడు.. షోరూం నిర్వాహకులతో బేరం ఆడాడు. వారు రూ. 2లక్షల 85 వేలు రూపాయలు చేప్పారు. చివరికు బేరం కుదిరింది. అప్పుడు మన వాడు రంగంలోకి దిగి డబ్బులు ఇవ్వడానికి ట్రాలీతో షోరూంకు వచ్చాడు. అందులో ఉన్న 112 పాలిథీన్ కవర్లతో డబ్బులు తీశాడు. అందరు ఆశ్చర్యపోయారు. ఆ కవర్లో ఉన్న డబ్బులు అన్ని కేవలం రూపాయి నాణేలు మాత్రమే.. ఇంకేముంది పాపం షోరూం నిర్వాహకులు వాటిని లెక్కపెట్టేసరికి ఒక రోజు పట్టింది. మనోడు బైక్ మాట పక్కనే పెడితే షోరూం వాళ్లకు మాత్రం పెద్ద పనే చెప్పాడు.
"నాపేరు వెంకటేశ్, మాది మంచిర్యాల నాకు చిన్నప్పటి నుంచి కేటీఎమ్ బైక్ అంటే చాలా ఇష్టం. అందుకనే ఆన్లైన్ గేమింగ్ యాప్ నిర్వహించి డబ్బులు సంపాదించా.. అందరిలా కాకుండా కొద్దిగా వెరైటీగా కొనాలని ట్రై చేశా.. అందుకనే ఎంతో కష్టపడి రూపాయి నాణేలు పోగుచేసి ఈ బైక్ కొనుగోలు చేశా".- వెంకటేశ్, మంచిర్యాల
ఇవీ చదవండి:
