ఎడతెరిపిలేని వర్షం... లోతట్టు ప్రాంతాలు జలమయం

గత రెండు రోజులుగా కురుస్తున్న వర్షాలకు ఖమ్మం నగరంలో లోతట్టు ప్రాంతాలు జలమయమయ్యాయి. నగరంలోని రాపర్తి నగర్, టీఎన్జీవో కాలనీ, దానవాయిగూడెం, సుందరయ్య నగర్, సారధి నగర్ తదితర ప్రాంతాలు నీటిలో చిక్కుకున్నాయి.

ఎడతెరిపిలేని వర్షాలతో ఖమ్మంలోని పలు ప్రాంతాలు జలమయమయ్యాయి. పలు కాలనీలను వరద నీరు చుట్టుముట్టింది. లోతట్టు ప్రాంతాల ప్రజలు తీవ్ర ఇబ్బంది పడుతున్నారు.

నగర శివారులోని చెరువులు నిండు కుండను తలపిస్తున్నాయి. వాగులు ఉద్ధృతంగా ప్రవహిస్తున్నాయి. నగరపాలక సిబ్బంది నీటి తొలగింపు చర్యల్లో నిమగ్నమయ్యారు.