Minister Gangula Kamalakar Injured: చిరుతల రామాయణం ముగింపు వేడుకల్లో పాల్గొన్న రాష్ట్ర పౌర సరఫరాల శాఖ మంత్రి గంగుల కమలాకర్ వేదిక కుప్పకూలిపోవడంతో కిందపడిపోయారు. ఆయనకు స్వల్ప గాయాలు అయ్యాయి. వెంటనే ఆసుపత్రికి తరలించారు. ఈ సంఘటన కరీంనగర్ జిల్లాలోని చర్ల బూత్కూరులో చోటుచేసుకుంది. అక్కడ ఈ వేడుక ఏర్పాటు చేసిన వేదిక మీద అధిక సంఖ్యలో జనాలు కూర్చున్నారు. ఆ తర్వాత ఎక్కువ మంది రావడం స్టేజ్ మీదకు రావడంతో.. బరువు మోయలేక ఒక్కసారిగా కూలిపోయింది. ఈ సంఘటనలో పలువురికి గాయాలు అయ్యాయి. వారి అందరినీ ఆసుపత్రికి తరలించారు. స్టేజ్ కింద ఉన్న వారు ఏం జరుగుతుందని తెలుసుకునే లోపే ఒక్కసారిగా వేదిక కూలిపోలియింది. భయాందోళనలో అక్కడ నుంచి పరుగులు తీశారు.
వెంటనే గాయాలైన మంత్రి గంగుల కమలాకర్ను కరీంనగర్ నగరంలోని ప్రైవేట్ ఆసుపత్రికి తరలించారు. కాలు బెనకడంతో స్కాన్ చేసి.. ఆర్థోపెడిక్ కాలుకి చిన్న కట్టుకట్టారు. ఆ వెంటనే ఆసుపత్రి నుంచి డిశార్జ్ చేశారు. మూడు వారాలు విశ్రాంతి తీసుకోవాలని ఆసుపత్రి వైద్యులు సూచించారు. ఆసుపత్రి లోపల నుంచి బయటకు వచ్చి పార్టీ కార్యకర్తలకు, అభిమానులకు అభివాదం చేసి..తన కాన్వాయ్లో ఇంటికి చేరుకున్నారు.
గంగులకు గాయాలు కావడంతో.. పార్టీ నేతలు, కార్యకర్తలు ఒక్కసారిగా షాక్కు గురయ్యారు. అతనికి ఎలా ఉందో తెలుసుకొని.. స్వల్ప గాయమే అయ్యిందని తెలియడంతో ఊపిరి పీల్చుకున్నారు. ఇంటికి చేరుకున్న గంగుల కమలాకర్ను పరామర్శించడానికి రాష్ట్ర ప్రణాళిక సంఘ ఉపాధ్యక్షుడు వినోద్ కుమార్, కరీంనగర్ మేయర్ వై.సునీల్ రావు, ఇంకా కరీంనగర్ ముఖ్య నేతలు వెళ్లారు. తన యోగక్షేమాలను, సంఘటన ఎలా జరిగిందనే విషయాల గురించి అడిగి తెలుసుకున్నారు. అంతకు ముందు ముగ్ధంపూర్లో జరిగిన ధాన్యం కొనుగోలు కేంద్రాన్ని మంత్రి, కలెక్టర్ ప్రారంభించారు.
రాష్ట్రవ్యాప్తంగా 7000 ధాన్యం కొనుగోలు కేంద్రాలు ఏర్పాటు: ముఖ్యమంత్రి కేసీఆర్ సూచన మేరకు ఈ ఏడాది యాసంగి ధాన్యాన్ని కొనుగోలు చేసేందుకు రాష్ట్రవ్యాప్తంగా 7000 కొనుగోలు కేంద్రాలను ఏర్పాటు చేశారు. ఈ సందర్భంగా పౌర సరఫరాల శాఖ అన్ని ఏర్పాట్లను చేసింది. ఈ యాసంగిలో ఒక్క ధాన్యం గింజ కూడా వదులుకోబోం.. ఒక్క రూపాయి బయటకు పోనివ్వమని అంతకు ముందు పౌర సరఫరాల శాఖ మంత్రి గంగుల కమలాకర్ పేర్కొన్నారు. అందుకు తగిన విధంగానే ఏర్పాట్లు కూడా చేశారు. అక్రమంగా ధాన్యం బయటకు పోకుండా ప్రత్యేక టాస్క్ఫోర్స్ను ఏర్పాటు చేశారు. తెలంగాణ రాష్ట్రం ఏర్పడడానికి ముందు రాష్ట్రంలో 24 లక్షల మెట్రిక్ టన్నుల ధాన్యం మాత్రమే సేకరణ జరిగితే.. అది రాష్ట్రం ఏర్పడిన తర్వాత 141 లక్షల మెట్రిక్ టన్నులకు పెరిగిందని హర్షం వ్యక్తం చేశారు.
ఇవీ చదవండి:
