Numaish in Karimnagar: హైదరాబాద్లో ప్రతి ఏటా ప్రతిష్టాత్మకంగా నిర్వహించే నుమాయిష్ ఎగ్జిబిషన్ను తొలిసారి నగరం వెలుపల కరీంనగర్లో నిర్వహించేందుకు సన్నాహాలు చేస్తున్నారు. ఈ మేరకు మంత్రి గంగుల కమలాకర్, రాష్ట్ర ప్రణాళికాసంఘం ఉపాధ్యక్షుడు వినోద్ కుమార్తో నాంపల్లి ఎగ్జిబిషన్ సొసైటీ ప్రతినిధులు కలిశారు. ఈ విషయమై చర్చించారు. 82 ఏళ్ల చరిత్ర కలిగిన నుమాయిష్ను ఇప్పటి వరకూ హైదరాబాద్లోని నాంపల్లి ఎగ్జిబిషన్ గ్రౌండ్లో మాత్రమే నిర్వహిస్తున్నారు.
చరిత్రలో తొలిసారిగా హైదరాబాద్ వెలుపల.. ఈ ఎగ్జిబిషన్ను కరీంనగర్లో నిర్వహించేందుకు సిద్ధమవుతున్నారు. అన్ని రంగాల్లో శరవేగంగా అభివృద్ధి చెందుతూ తీగల వంతెన, మానేరు రివర్ ఫ్రంట్, ఐటీ టవర్స్ వంటి ఇతర పనులతో ఎదుగుతున్న కరీంనగర్లో నుమాయిష్ నిర్వహించాలని మంత్రి గంగుల కమలాకర్ ఎగ్జిబిషన్ సొసైటీ ప్రతినిధులను గతంలో కోరారు.
రానున్న జనవరి ఒకటో తేదీ నుంచి ఫిబ్రవరి 15 వరకు హైదరాబాద్ ఎగ్జిబిషన్ గ్రౌండ్లో 82వ నుమాయిష్ నిర్వహించనున్నారు. ఆ తర్వాత రాష్ట్ర ప్రభుత్వ సహకారంతో కరీంనగర్లో నిర్వహించే విషయమై ఈ సమావేశంలో చర్చించారు.
ఇవీ చదవండి: Numaish in Hyderabad 2022: నుమాయిష్ సందడి షురూ.. వాళ్లకు మాత్రం నో ఎంట్రీ..
దేశంలోనే అతిపెద్ద భూకుంభకోణం ఇదే: రాజగోపాల్‌రెడ్డి
'వారిని చంపి, వండుకుని తినేసిన భార్యాభర్తలు!'.. నరబలి కేసులో షాకింగ్ నిజాలు
