బీసీ కులాల ఆత్మగౌరవ భవన నిర్మాణాలను త్వరలోనే చేపడతామని బీసీ సంక్షేమ శాఖా మంత్రి గంగుల కమలాకర్ అన్నారు. ఈ మేరకు ఎంబీసీల సమస్యలపై హైదరాబాద్లో సమీక్ష నిర్వహించిన ఆయన బీసీ కులవృత్తులకు కావాల్సిన ఆర్థిక సాయంతో పాటు వారికి అవసరమైన పనిముట్లను కూడా అందిస్తామని తెలిపారు.
అన్ని కులాల ప్రతినిధులతో హైదరాబాద్లోని మర్రిచెన్నారెడ్డి మానవవనరుల అభివృద్ధి కేంద్రంలో మూడు రోజుల పాటు చర్చిస్తానని మంత్రి గంగుల కమలాకర్ తెలిపారు. బీసీల సమస్యల పరిష్కారం కోసం త్వరలోనే ముఖ్యమంత్రి కేసీఆర్తో చర్చిస్తానని అన్నారు. ఎంబీసీలకు ఆర్థికసాయం, పనిముట్లు అందించి వారి జీవనస్థితి మెరుగుపడేలా తన వంతు కృషి చేస్తానని హామీ ఇచ్చారు.
ఇదీ చదవండి: ముఖ్యమంత్రి కేసీఆర్‌ను కలిసిన నీతిఆయోగ్ బృందం
