స్టాక్ మార్కెట్లో పెట్టుబడులు పెడతామంటూ అమాయకుల నుంచి డబ్బులు వసూలు చేసి మోసాలకు పాల్పడుతున్న తొమ్మిది మంది సైబర్ నేరగాళ్లను రాచకొండ సైబర్ క్రైమ్ పోలీసులు అరెస్టు చేశారు. ఈ ఏడాది మార్చిలో వనస్థలిపురానికి చెందిన సుధాకర్ సైబర్ క్రైమ్ పోలీసులకు ఫిర్యాదు చేశాడు.
మధ్యప్రదేశ్లోని భోపాల్కు చెందిన 'ద టాప్ గ్లోబల్ కంపెనీ' నుంచి ఫోన్ చేసి స్టాక్ మార్కెట్లో లాభాలు వస్తాయని నిందితులు నమ్మించినట్లు సుధాకర్ ఫిర్యాదులో పేర్కొన్నాడు. బ్యాంకు ఖాతా వివరాలు, పాస్వర్డ్ కూడా నిందితులకు చెప్పడం వల్ల తన ఖాతా నుంచి రూ. 9 లక్షల 60 వేలు కాజేసినట్లు బాధితుడు తెలిపాడు. ఈ మేరకు కేసు నమోదు చేసుకొని దర్యాప్తు చేపట్టిన పోలీసులు మధ్యప్రదేశ్లోని సాగర్ ప్రాంతానికి చెందిన తొమ్మిది మందిని అరెస్టు చేసి.. స్థానిక న్యాయస్థానంలో హాజరుపర్చారు. పీటీ వారెంట్పై హైదరాబాద్ తీసుకొచ్చి రిమాండ్కు తరలించారు.
ఇదీ చదవండి: కాలిఫోర్నియాలోని బాలికకు వేధింపులు.. యువకుడు అరెస్ట్
