ప్రపంచ క్రీడామహోత్సవం ఒలింపిక్స్లో పాల్గొంటున్న క్రీడాకారులకు ప్రముఖ బ్యాడ్మింటన్ కోచ్ పుల్లెల గోపీచంద్ అభినందనలు తెలిపారు. ఈ క్రీడలను కేవలం గెలుపోటములు, పోటీతత్వం కోణంలోనే చూడకుండా.. ఒక గొప్ప వేడుకగా భావించాలని ఈటీవీ భారత్కు ఇచ్చిన ప్రత్యేక ఇంటర్వ్యూ వేదికగా పిలుపునిచ్చారు. ప్రస్తుతం కరోనా కారణంగా కొన్ని ఈవెంట్స్ లేకపోవడం బాధకరమని పేర్కొన్నారు. గతంలో వాటి కంటే ఈ క్రీడా వేడుకలు మరింత ప్రత్యేకమని వివరించారు. కరోనా ప్రోటోకాల్స్ మధ్య జరుగుతుండటం వల్ల క్రీడాకారులపై ఒత్తిడి ఉంటుందని అభిప్రాయపడ్డారు.
భారత్ నుంచి వెళ్లిన క్రీడాకారులు ఒత్తిడిని జయించే విధంగా ప్రముఖ యోగా సంస్థ 'ధ్యాన' కలిసి పని చేస్తుందని గోపీచంద్ తెలిపారు. టోక్యో ఒలింపిక్స్కు ధ్యానాను అధికారిక భాగస్వామిగా చేర్చినందుకు ఇండియన్ ఒలింపిక్ అసోషియేషన్కు ధన్యవాదాలు తెలిపారు. ధ్యానా యాప్ ద్వారా క్రీడాకారులు వారి ఒత్తిడిని, శ్వాస సంబంధిత సమస్యలను పరిష్కరించుకోవ్చని తెలిపిన ఆయన.. కరోనా సమయంలో వారికి ఇది ఎంతో ఉపయోగపడుతుందని అన్నారు.
ఇదీ చూడండి: Tokyo Olympics: అట్టహాసంగా ఆరంభోత్సవం
