మాడ్రిడ్ ఓపెన్ పురుషుల సింగిల్స్లో జర్మనీ టెన్నిస్ ఆటగాడు అలెగ్జాండర్ జ్వరెవ్ విజయం సాధించాడు. ఇటలీ ప్లేయర్ మాటియో బెర్రెట్టినిపై 6-7(8), 6-4, 6-3 తేడాతో గెలిచి, టైటిల్ను సొంతం చేసుకున్నాడు. జ్వరెవ్కిది రెండో మాడ్రిడ్ ఓపెన్ కాగా.. నాలుగో ఏటీపీ మాస్టర్స్ 1000 ట్రోఫీ.
తుదిపోరులో తొలి సెట్ను కోల్పోయిన జ్వరెవ్.. తర్వాతి రెండు సెట్లలో పుంజుకున్నాడు. మొత్తంగా ఈ టోర్నీలో ముగ్గురు టాప్-10 ప్లేయర్లను దాటేసి.. టైటిల్ను కైవసం చేసుకున్నాడు. "గత మూడు టైటిళ్ల ఫైనల్ మ్యాచ్ల్లో ఓటమి అనంతరం.. మాడ్రిడ్ ఓపెన్ సొంతం చేసుకోవడం ఆనందంగా ఉంది. ఈ టైటిల్ నాకు ఎంతో ప్రత్యేకం" అని జ్వరెవ్ హర్షం వ్యక్తం చేశాడు.
ఇదీ చూడండి: మాడ్రిడ్ ఓపెన్ ఛాంప్‌ సబలెంక
