కామన్వెల్త్ పతక విజేత పీసీ సింధు మరో ఘనత సాధించింది. వరల్డ్ బ్యాడ్మింటన్ ర్యాంకింగ్స్లో మెదటి 5 ర్యాంకుల్లో స్థానం సంపాదించుకుంది. ఈ మేరకు బ్యాడ్మింటన్ వరల్డ్ ఫెడరేషన్ (బీడబ్ల్యూఎఫ్) మంగళవారం ర్యాంకింగ్స్ విడుదల చేసింది. మరో పక్క ఏస్ షట్లర్ ప్రణయ్ హెచ్ఎస్ ఒక స్థానం పైకెక్కి ప్రపంచంలో 12వ ర్యాంకులో నిలిచాడు.
ఇక డబుల్స్ విషయానికొస్తే.. పురుషుల డబుల్స్లో ఎమ్ఆర్ ఆర్జున్, ధ్రువ్ కపిల రెండు స్థానాలు మెరుగుపరచుకుని 19వ స్థానంలో స్థిరపడ్డారు. మహిళల డబుల్స్లో త్రీష జాలీ, గాయత్రి గోపీచంద్ నాలుగు స్థానాలు మెరుగుపరచుకుని 27వ స్థానంలో నిలిచారు. మిక్స్డ్ డబుల్స్లో ఇషాన్ భట్నాగర్, తనీషా క్రాస్టో రెండు స్థానాలు అధిగమించి 29వ స్థానంలో కొనసాగుతున్నారు. ర్యాంకింగ్స్లో తమ కెరీర్ అత్యున్నత ర్యాంకులు సాధించిన అథ్లెట్లకు ట్విట్టర్ వేదికగా దీపావళి శుభాకాంక్షలు తెలిపింది బ్యాడ్మింటన్ అసోషియేషన్ ఆఫ్ ఇండియా.
ఇవీ చదవండి : ఆ విషయంలో అనవసరమైన రచ్చ మానేయాలి.. హార్దిక్ పాండ్య హితవు
