కరోనా కారణంగా ఈ ఏడాది జాతీయ క్రీడా పురస్కారాల వేడుక వర్చువల్గా జరిగింది. హాకీ దిగ్గజం ధ్యాన్చంద్ జయంతి సందర్భంగా నిర్వహించిన ఈ కార్యక్రమంలో రాష్టప్రతి రామ్నాథ్ కోవింద్ పాల్గొని అవార్డులు అందజేశారు. అత్యున్నత పురస్కారం ఖేల్రత్నతో పాటు అర్జున, ద్రోణాచార్య, ధ్యాన్చంద్ అవార్డుల్ని క్రీడాకారులు అందుకున్నారు.
మొత్తం ఈ ఏడాది అవార్డుల కోసం 74 మంది ఆటగాళ్లను ఎంపిక చేసింది క్రీడా మంత్రిత్వ శాఖ. ఇందులో 14 మంది అథ్లెట్లు వివిధ కారణాలతో వేడుకకు హాజరుకాలేకపోయారు. మిగిలిన 60 మంది ఈరోజు అవార్డుల్ని అందుకున్నారు.
ప్రతి ఏడాది అంగరంగ వైభవంగా ఈ వేడుకను రాష్ట్రపతి భవన్లో నిర్వహించేవారు. కానీ ఈ ఏడాది కరోనా వల్ల జరిగిన వర్చువల్ పద్ధతిలో ఈ కార్యక్రమానికి జాతీయ క్రీడా ప్రాధికార సంస్థ (సాయ్) కార్యాలయాలు వేదికయ్యాయి. దిల్లీ, ముంబయి, కోల్‌కతా, చండీగఢ్‌, బెంగళూరు, పుణె, సోనెపట్‌, హైదరాబాద్‌, భోపాల్‌లోని సాయ్ కేంద్రాల్లో ఈ కార్యక్రమం నిర్వహించారు. రాష్ట్రపతి భవన్ నుంచి రామ్నాథ్ కోవింద్ లైవ్లో పాల్గొన్నారు.
పెరిగిన నగదు బహుమతి
క్రీడల, సాహస పురస్కారాాల నగదు బహుమతిని పెంచింది క్రీడామంత్రిత్వ శాఖ. అర్జున అవార్డుకు 15లక్షలు, ఖేల్రత్నకు 25 లక్షలు అందజేయనున్నారు. ఇంతకుముందు ఈ నగదు విలువ వరుసగా 5, 7.5 లక్షలుగా ఉండేది. క్రీడా దినోత్సవం సందర్భంగా ఈ నిర్ణయం తీసుకున్నట్లు వెల్లడించారు క్రీడాశాఖ మంత్రి కిరణ్ రిజిజు.
