Boxer MC Mary Kom: భారత స్టార్ బాక్సర్ మేరీకోమ్ ప్రపంచ ఛాంపియన్షిప్స్, ఆసియన్ గేమ్స్ నుంచి తప్పుకుంది. యువ ఆటగాళ్లకు అవకాశం ఇచ్చేందుకు ఆమె ఈ నిర్ణయం తీసుకున్నట్లు తెలిపింది బాక్సింగ్ ఫెడరేషన్ ఆఫ్ ఇండియా. కాగా, ఆరు సార్లు ప్రపంచఛాంపియన్ అయిన ఆమె కామన్వెల్త్ గేమ్స్ కోసం సన్నద్ధమవుతోంది. ఐబీఎ ఎలైట్ ఉమెన్స్ వరల్డ్ బాక్సింగ్ ఛాంపియన్షిప్స్, 2022 ఆసియన్ గేమ్స్ మార్చి 7(నేడు) ప్రారంభం కానున్నాయి.
"ఈ టోర్నీల నుంచి తప్పుకొని యువ ఆటగాళ్లకు అవకాశం ఇద్దామనుకుంటున్నాను. ఇలాంటి పెద్ద టోర్నమెంట్లలో ఆడితే అంతర్జాతీయ స్థాయిలో గుర్తు తెచ్చుకునేందుకు వారికి అవకాశం ఉంటుంది. నేను కామన్వెల్త్ గేమ్స్ కోసం శిక్షణ చేస్తున్నాను"
-మేరీకోమ్.
"మేరీకోమ్.. భారత బాక్సింగ్కు రెండు దశాబ్దాలుగా టార్చ్బేరర్గా నిలిచారు. బాక్సర్లకు మాత్రమే కాకుండా ఇతర క్రీడాకారులకు స్ఫూర్తిగా నిలిచారు. ఆమె నిర్ణయాన్ని గౌరవిస్తాం." అని అన్నారు బాక్సింగ్ ఫెడరేషన్ ఆఫ్ ఇండియా అధ్యక్షుడు అజయ్ సింగ్.
ఇదీ చూడండి: ఈ సర్ఫింగ్ భామ.. యమ హాట్ గురూ!
