Korea Open: కొరియా ఓపెన్ బ్యాడ్మింటన్ ఛాంపియన్షిప్స్లో పీవీ సింధు అదరగొడుతోంది. రెండో రౌండ్లో జపాన్కు చెెందిన అయా ఒహోరీని వరుస సెట్లలో చిత్తు చేసి.. క్వార్టర్ ఫైనల్లోకి ప్రవేశించింది. 37 నిమిషాల్లోనే 21-15,21-10 తేడాతో ఓడించింది సింధు. పురుషుల సింగిల్స్లో ప్రపంచ ఛాంపియన్షిప్స్ రజత పతక విజేత కిదాంబి శ్రీకాంత్.. మిషా జిల్బర్మ్యాన్ను(ఇజ్రాయెల్) 21-18,21-6 తేడాతో చిత్తుగా ఓడించాడు. క్వార్టర్స్లో స్థానిక షట్లర్, ప్రపంచ మాజీ నెం.1 సన్ వాన్ హోతో తలపడనున్నాడు.
మరోవైపు.. భారత స్టార్ బ్యాడ్మింటన్ క్రీడాకారుడు కొరియా ఓపెన్ నుంచి ఇంటిముఖం పట్టాడు. గురువారం జరిగిన రెండో రౌండ్ మ్యాచ్లో ఇండోనేసియాకు చెందిన శేసర్ హిరెన్ చేతిలో వరుస సెట్లలో ఓటమి పాలయ్యాడు. 33 నిమిషాల్లోనే మ్యాచ్ ముగియడం గమనార్హం. వరల్డ్ నెం.24 షట్లర్ చేతిలో 20-22, 9-21 తేడాతో దారుణంగా ఓడాడు ప్రపంచ ర్యాంకింగ్స్లో 9వ స్థానంలో ఉన్న సేన్. 6 నెలలుగా అత్యుత్తమ ఫామ్లో ఉన్నాడు సేన్. వరుసగా జర్మన్ ఓపెన్, ఆల్ ఇంగ్లాండ్ ఛాంపియన్షిప్స్లో ఫైనల్కు దూసుకెళ్లాడు. అంతకుముందు ప్రపంచ ఛాంపియన్షిప్స్లో కాంస్య పతకం నెగ్గాడు. మిక్స్డ్ డబుల్స్లో సుమిత్ రెడ్డి- అశ్విని పొన్నప్ప జోడీ కూడా హోరాహోరీ పోరులో ఓడిపోయింది. 20-22, 21-18,14-21 తేడాతో ఐదో సీడ్ చైనాకు చెందిన షియాన్ యీ, హువాంగ్ యా చేతిలో పరాజయం పాలైంది.
ఇవీ చూడండి: 'ధోనీ ఏదో చెప్పాడు.. వెంటనే అవుట్ అయిపోయా'
ఒక్క ఓటమితో మార్షల్ ఆర్ట్స్కు గుడ్బై.. ఈమె విశేషాలు తెలుసా?
