Asian championship wrestling 2022: ఆసియా రెజ్లింగ్ ఛాంపియన్షిప్లో ఒలింపిక్స్ రజత పతక విజేత, భారత కుస్తీవీరుడు రవికుమార్ దహియా సత్తా చాటాడు. రెజ్లింగ్ 57 కిలోల పురుషుల ఫ్రీస్టైల్ విభాగంలో స్వర్ణ పతకం సాధించాడు. దీంతో వరుసగా మూడోసారి గోల్డ్మెడల్ సాధించిన ఆటగాడిగా నిలిచాడు. శనివారం జరిగిన తుది పోరులో కజకిస్థాన్కు చెందిన కల్జాన్ రఖత్ను దహియా 12-2 తేడాతో మట్టికరిపించాడు.
ఈ సీజన్లో రవి దహియాకు ఇది రెండో ఫైనల్ మ్యాచ్. గత ఫిబ్రవరిలో జరిగిన డాన్కొలోవ్ పోటీల్లో రజతం సాధించాడు. సోనెపట్లోని నహ్రీ గ్రామానికి చెందిన రవి.. మరోమారు తన బలాన్ని, వ్యూహాత్మకతను ప్రదర్శించాడు. అంతకుముందు 2020లో దిల్లీ, 2021లో అల్మాటిలో జరిగిన ఆసియా రెజ్లింగ్ ఛాంపియన్షిప్ పోటీల్లో స్వర్ణం సాధించాడు.
బజరంగ్ పూనియాకు రజతం: ఆసియా రెజ్లింగ్ ఛాంపియన్షిప్లో భారతకు చెందిన మరో రెజ్లర్ బజరంగ్ పునియా రజతం సాధించాడు. 65 కేజీల కేటగిరీలో ఇరాన్కు చెందిన రెహ్మాన్ మౌసాతో జరిగిన తుది పోరులో 1-3తో ఓటమి పాలయ్యాడు. మరోవైపు.. 70 కేజీల విభాగంలో మగోలియా రెజ్లర్ను ఓడించి కాంస్య పతకాన్ని సాధించాడు కుస్తీవీరుడు నవీన్. శుక్రవారం జరిగిన ఈవెంట్లలో అన్షుమాలిక్(57 కేజీలు), రాధిక(65 కేజీలు) చెరో రజత పతకంతో మెరిశారు.
ఇదీ చూడండి: రజతాలతో మెరిసిన అన్షు, రాధిక.. మనీషకు కాంస్యం
