​World Cup 2023 : భారీ లేజర్ లైట్ షో - డీజే సెటప్​తో ఓపెనింగ్ ఈవెంట్​.. సినీ సెలబ్రిటీలు ఎవరు వస్తున్నారంటే?

World Cup 2023 Opening Ceremony : మరో మూడు రోజుల్లో 2023 ప్రపంచకప్​నకు తెర లేవనుంది. అక్టోబర్ 5న ఈ మెగాటోర్నీ ప్రారంభం కానుంది. అయితే వరల్డ్ కప్ నేపథ్యంలో​ 'టోర్నమెంట్ ఓపెనింగ్ ఈవెంట్'​ను గ్రాండ్​గా నిర్వహించేందుకు బీసీసీఐ (బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా) ప్లాన్ చేస్తోంది. మరి ఈ ఈవెంట్ ఎక్కడ, ఎప్పుడు జరగనుంది? వేడుకకు ఎవరెవరు హాజరుకానున్నారు? ఇప్పుడు తెలుసుకుందాం..

టోర్నీ ప్రారంభానికి ఒక్కరోజు ముందు అక్టోబర్ 4న ఈ ఈవెంట్​ను బీసీసీఐ నిర్వహించనుంది. ఈ ఈవెంట్​కు అహ్మదాబాద్​ నరేంద్రమోదీ అంతర్జాతీయ క్రికెట్ స్టేడియం వేదికకానుంది. కళ్లుచెదిరే లేజర్ షో లైటింగ్ సెటప్​, భారీ హోర్డింగ్​లు, ఫైర్​ వర్క్స్​, అదిరిపోయే మ్యూజిక్ సిస్టమ్​తో నరేంద్రమోదీ స్టేడియం ముస్తాబైంది. అయితే ఎప్పటిలాగే టోర్నీలో పాల్గొనే ఆయా జట్ల కెప్టెన్లు.. ఈ వేడుకలో పాల్గొంటారు. అలాగే బాలీవుడ్​కు చెందిన కొంతమంది సినీతారలు, సింగర్స్​ కూడా ఈ వేడుకలో పాల్గొననున్నారు.

బాలీవుడ్ నుంచి హాజరయ్యేది వీరే.. మెగాటోర్నీ గ్రాండ్ ఈవెంట్​కు బాలీవుడ్ స్టార్ హీరో రణ్​వీర్​ సింగ్, హీరోయిన్ తమన్నా భాటియా, దిగ్గజ గాయకురాలు ఆశా భోస్లే, సింగర్లు శ్రియా ఘోషల్‌, అర్జిత్​ సింగ్​ పాల్గొననున్నారు. వీరితో పాటు 2011, 2023 ప్రపంచకప్​ సాంగ్ సింగర్స్​ శంకర్ మహదేవన్, ప్రీతమ్​​ కూడా హాజరవ్వనున్నారు.

ఈవెంట్ ఎప్పుడు ప్రారంభం.. ఈ ఈవెంట్ అక్టోబర్ 4న సాయంత్రం 7 గంటలకు ప్రారంభం కానుంది. ఇక అక్టోబర్ 5న న్యూజిలాండ్ వర్సెస్ ఇంగ్లండ్ మ్యాచ్​కు టికెట్లు కొనుగోలు చేసినవారు ఈ వేడుకను స్టేడియంలో వీక్షించవచ్చు.

• Great news 🥳🥳
  
  Lighting work started at Narendra Modi Stadium, Ahmedabad roofs ahead of Cricket World Cup 2023 Opening Ceremony. pic.twitter.com/U120McjAHb

  — Baljeet Singh (@ImTheBaljeet) October 1, 2023 " class="align-text-top noRightClick twitterSection" data="

  Great news 🥳🥳
  
  Lighting work started at Narendra Modi Stadium, Ahmedabad roofs ahead of Cricket World Cup 2023 Opening Ceremony. pic.twitter.com/U120McjAHb

  — Baljeet Singh (@ImTheBaljeet) October 1, 2023

  ">

  Great news 🥳🥳
  
  Lighting work started at Narendra Modi Stadium, Ahmedabad roofs ahead of Cricket World Cup 2023 Opening Ceremony. pic.twitter.com/U120McjAHb

  — Baljeet Singh (@ImTheBaljeet) October 1, 2023

World Cup 2023 Live Streaming : ప్రపంచకప్​లో అన్ని మ్యాచ్​లను స్టార్ స్పోర్ట్స్ టెలివిజన్ ఛానెల్​లో, అలాగే లైవ్ స్ట్రీమింగ్ ప్రముఖ ఓటీటీ ప్లాట్​ఫామ్ డిస్నీ+ హాట్​స్టార్​లో వీక్షించవచ్చు. ఇక ఈ టోర్నమెంట్​లో టీమ్ఇండియా అక్టోబర్ 8న తొలి మ్యాచ్ ఆడనుంది. ఈ మ్యాచ్​లో భారత్.. ఆస్ట్రేలియాను ఢీకొట్టనుంది. ఈ ప్రతిష్ఠాత్మక పోరుకు చెన్నై చిదంబరం స్టేడియం వేదికకానుంది.