టీమ్ఇండియా స్టార్ విరాట్ కోహ్లీ వరల్డ్ క్లాస్ బ్యాటరే కాదు.. ఓ మంచి డ్యాన్సర్ కూడా. గతంలోనూ చాలా సార్లు అతడు స్టెప్పులేస్తూ కనిపించాడు. అయితే ఇప్పుడు మరోసారి అతడు తనదైన స్టైల్లో చిందులేసి ఫ్యాన్స్ను ఆకట్టుకున్నాడు. బోర్డర్ గావస్కర్ ట్రోఫీ ముగిసిన తర్వాత ఆస్ట్రేలియాతో వన్డే సిరీస్ కోసం ముంబయి వెళ్లిన కోహ్లీ.. అక్కడ సరదాగా గడుపుతున్నాడు. నార్వే డ్యాన్స్ గ్రూప్ క్విక్ స్టైల్తో కలిసి చిందులేశాడు. స్టీరియో నేషన్కు చెందిన ఇష్క్ అనే సాంగ్కు విరాట్ డ్యాన్స్ చేశాడు.
ఈ వీడియోను కోహ్లీయే స్వయంగా తన సోషల్మీడియాలో షేర్ చేశాడు. ఈ వీడియోలో మొదటగా గ్రూపులోని ఓ డ్యాన్సర్ కింద పడి ఉన్న బ్యాట్ పట్టుకుని ఏం చేయాలా అన్నట్టుగా చూస్తుంటాడు. ఆ తర్వాత కోహ్లీ.. వైట్ టీషర్ట్, బ్లాక్ జీన్స్లో సింపుల్గా ఎంట్రీ ఇచ్చి.. ఆ బ్యాట్ పట్టుకుని స్టెప్పులు వేశాడు.
బ్యాట్ పట్టుకొని ఎలా బ్యాటింగ్ చేయాలో వాళ్లకు నేర్పిస్తున్నట్లు కనిపించాడు. అలా బ్యాటింగ్ చేయడం నేర్పిస్తూనే స్టైల్గా స్టెప్పులేశాడు. ఆ డ్యాన్స్ మూమెంట్స్, కోహ్లీ ఎక్స్ప్రెషన్స్ అభిమానులను బాగా ఆకట్టుకుంటున్నాయి. 'క్లిక్ స్టైల్ను కోహ్లీ కలిస్తే ఇలా ఉంటుంది' అనే క్యాప్షన్తో ఈ వీడియోను పోస్ట్ చేశారు. ఈ వీడియో పోస్ట్ చేసిన కాసేపట్లోనే సోషల్ మీడియాలో తెగ వైరల్ అయిపోయింది. దీనికి నెటిజన్లు, విరాట్ అభిమానులు విపరీతంగా స్పందిస్తున్నారు. తెగ లైక్స్, కామెంట్స్ చేస్తూ ట్రెండ్ చేస్తున్నారు. ఇక ఈ డ్యాన్స్ వీడియోపై విరాట్ భార్య, హీరోయిన్ అనుష్క శర్మ కూడా రియాక్ట్ అయింది. ఫైర్ ఎమోజీలను పోస్ట్ చేసింది. 'కోహ్లీ 76వ సెంచరీ డ్యాన్స్ ముందే లీకైంది', 'చాలా మంది బాలీవుడ్ యాక్టర్స్ కన్నా బాగా డ్యాన్స్ చేశావు', 'కోహ్లీ భయ్యా నువ్వు సూపర్, డ్యాన్స్ అదిరింది', డ్రెస్సింగ్ స్టైల్, లుక్, డ్యాన్స్ సూపర్ అంటూ యూజర్స్ సరదా కామెంట్లు చేస్తున్నారు.
కాగా, అంతకుముందు ఈ డ్యాన్స్ గ్రూపు సభ్యులతోనూ కోహ్లీ ఓ ఫొటో దిగి సోషల్మీడియాలో షేర్ చేశాడు. ఇండియన్ సాంగ్స్కు డ్యాన్స్ చేస్తూ.. నార్వేకు చెందిన ఈ క్విక్ స్టైల్ గ్రూప్ ఫుల్ క్రేజ్ సంపాదించుకుంది. ప్రస్తుతం ఈ గ్రూప్ ఇండియా టూర్లో ఉంది. ఈ క్రమంలోనే ఆ బృందం కోహ్లీతో కలిసి సరదాగా గడిపింది. అలా అతడితో కలిసి డ్యాన్స్ వేసింది.
- " class="align-text-top noRightClick twitterSection" data="
">
ఇదీ చూడండి: వరుసగా 5 ఓటములు.. కానీ ఆర్సీబీకి ఎలిమినేటర్ ఛాన్స్.. ఎలా అంటే?
