Under-19 World cup: అండర్-19 ప్రపంచకప్ టోర్నీలో భాగంగా అఫ్గానిస్థాన్తో జరిగిన ఉత్కంఠ పోరులో ఇంగ్లాండ్ జట్టు విజయం సాధించింది. 15 పరుగులు తేడాతో గెలిచి ఫైనల్కు అర్హత సాధించింది. దీంతో 24 ఏళ్ల సుదీర్ఘ నిరీక్షణకు తెరదించింది. జార్జ్ బెల్కు ప్లేయర్ ఆఫ్ ది మ్యాచ్ అవార్డు దక్కింది. కాగా, వర్షం కారణంగా ఈ మ్యాచ్ను 47 ఓవర్లకు కుదించారు.
232 పరుగుల లక్ష్య ఛేధనకు బరిలో దిగిన అఫ్గానిస్థాన్ 47 ఓవర్లలో 9వికెట్లు కోల్పోయి 215 పరుగులు మాత్రమే చేసింది. అల్లా నూర్(60) అర్ధసెంచరీతో మెరవగా.. మహ్మద్ ఇషాక్(43), అబ్దుల్ హది(37), నూర్ అహ్మద్(25) రాణించారు. ఇంగ్లాండ్ బౌలర్లలో రెహాన్ అహ్మద్ 4, థామస్ అస్పిన్వాల్ 2, జాష్వా, టామ్ ప్రెస్ట్ తలో వికెట్ తీశారు.
అంతకుముందు టాస్ గెలిచి బ్యాటింగ్ ఎంచుకున్న ఇంగ్లాండ్.. 47 ఓవర్లలో 6 వికెట్ల నష్టానికి 231 పరుగులు చేసింది. ఓపెనర్ జార్జ్ థామస్(50), జార్జ్ బెల్(56), అలెక్స్ హోర్టన్(53) హాఫ్ సెంచరీలతో మెరిశారు. మిగతా వారు విఫలమయ్యారు. అఫ్గాన్ బౌలర్లలో నవీద్ జద్రన్ 2, నూర్ అహ్మద్ 2 తలో రెండు వికెట్లు దక్కించుకున్నారు.
ఇదీ చూడండి:
కెరీర్పై సానియా మీర్జా కీలక నిర్ణయం!
Under-19 Worldcup Semifinal: నేడే ఆసీస్‌తో భారత్‌ సమరం
24 ఏళ్ల తర్వాత కామన్‌వెల్త్‌ గేమ్స్‌లో క్రికెట్‌.. తొలి మ్యాచ్ ఎప్పుడంటే?
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
