ఐసీసీ టీ20 ప్రపంచకప్లో(ICC T20 World Cup) పాల్గొనే జట్టును భారత క్రికెట్ నియంత్రణ మండలి(బీసీసీఐ) బుధవారం ప్రకటించే అవకాశాలున్నాయి. కరోనా ప్రోటోకాల్ను దృష్టిలో ఉంచుకొని.. టీ20 ప్రపంచకప్లో పాల్గొనేందుకు 15మందితో కూడిన జట్టును(India T20 World Cup Squad) సెలెక్టర్లు ప్రకటించే అవకాశం ఉంది. ఇటీవలే గాయం బారిన పడిన వాషింగ్టన్ సుందర్ ప్రస్తుతం కోలుకోగా.. మరోవైపు ధావన్ను జట్టులోకి తీసుకోవచ్చనే ఊహాగానాలు వినిపిస్తున్నాయి.
ధావన్కు ఛాన్స్ దక్కేనా?
కేఎల్ రాహుల్, రోహిత్ శర్మ ఓపెనర్లతో పాటు విరాట్ కోహ్లీ కెప్టెన్గా.. మూడో బ్యాటింగ్ స్థానంలో సూర్య కుమార్ యాదవ్ను ఎంచుకోవచ్చు. అయితే ఐసీసీ ఈవెంట్లలో శిఖర్ ధావన్ను సెలెక్టర్లు పక్కన పెట్టే ఛాన్సే లేదు. ఈ నేపథ్యంలో ధావన్ ఏ స్థానంలో బ్యాటింగ్కు వస్తాడనేది తెలియాల్సి ఉంది. ఒకవేళ ధావన్ను ఓపెనర్గా.. కేఎల్ రాహుల్ మిడిల్ ఆర్డర్లో ఆడే అవకాశం ఉంది. అయితే, ఇటీవల కాలంలో ధావన్ ఫిట్గా లేడని.. అతడి స్థానంలో పృథ్వీషా ఎంపిక బాగుంటుందని జట్టు యాజమాన్యం ఆలోచిస్తున్నట్లు సమాచారం.
కోలుకుంటేనే జట్టులో స్థానం!
చేతి వేలి గాయం కారణంగా ఇప్పటికే ఐపీఎల్ నుంచి తప్పుకున్న ఆల్రౌండర్ వాషింగ్టన్ సుందర్.. టీ20 ప్రపంచకప్ నాటికి కోలుకునే అవకాశం కనిపిస్తుంది. ఒకవేళ సుందర్ కోలుకోగడని బీసీసీఐ వైద్య బృందం సూచిస్తే.. అతడిని జట్టులోకి ఎంపిక చేయొచ్చు.
సుందర్ స్థానంలో మరొకరిని భర్తీ చేయడం సెలెక్టర్లకు పెద్ద తలపోటుగా మారింది. ఒకవేళ సుందర్ స్థానంలో అశ్విన్ను ఎంపిక చేయాలని అనుకున్నా.. అతడు టీ20ల్లో ఆడి చాలా కాలమైంది. ఒకవేళ అశ్విన్ను పక్కన పెడితే.. సుందర్ స్థానంలో జయంత్ యాదవ్ను పరిశీలించే అవకాశం ఉంది. అశ్విన్, జయంత్ యాదవ్లు కాకుండా ఫామ్లో ఉన్న మరొక ఆఫ్ స్పిన్నర్ లేరు.
ఈ ఏడాది ఇంగ్లాండ్, శ్రీలంకలతో సిరీస్లలో తన బ్యాటింగ్తో ఆకట్టుకున్న ఇషాన్ కిషన్.. టీ20 ప్రపంచకప్ జట్టులో అవకాశం ఉండొచ్చు. ఒకవేళ ఇదే జరిగితే.. మిడిల్ ఆర్డర్లో శ్రేయస్ అయ్యర్, సూర్యకుమార్ యాదవ్ పోటీ పడొచ్చు.
ఆల్రౌండర్లుగా..
ఆల్రౌండర్ల జాబితాలో రవీంద్ర జడేజా, హార్దిక్ పాండ్యాలకు సెలెక్టర్లు మొగ్గు చూపే అవకాశం ఉంది. కృనాల్ పాండ్యా, శార్దూల్ ఠాకూర్లనూ పరిశీలించే అవకాశం ఉంది. ఇంగ్లాండ్తో జరుగుతున్న టెస్టు సిరీస్లో శార్దూర్ ఠాకూర్ అద్భుతంగా రాణిస్తున్నాడు. ఈ నేపథ్యంలో కెప్టెన్ విరాట్ కోహ్లీ కూడా శార్దూల్ ఠాకూర్నే ఎంచుకోవచ్చు.
బౌలింగ్ లైనప్లో..
బౌలింగ్ లైనప్ స్పిన్ విభాగంలో యుజ్వేంద్ర చాహల్తో పాటు రాహుల్ చాహర్, వరుణ్ చక్రవర్తి మధ్య పోటీ నెలకొనే అవకాశం ఉంది. గత ఐపీఎల్ సీజన్లలో రాహుల్ చాహర్, వరుణ్ చక్రవర్తి తమను తాము నిరూపించుకున్నారు. కానీ, వీరిద్దరూ అంతర్జాతీయ టోర్నీల్లో కొంత నిలకడ సాధించాల్సి ఉంది.
ఫాస్ట్ బౌలర్లుగా జస్ప్రిత్ బుమ్రా, మహ్మద్ షమీ జట్టులో ఉంటారు. వీరిద్దరూ కాకుండా మరో పేసర్ స్థానానికి భువనేశ్వర్ కుమార్, దీపక్ చాహర్లో ఒకరికి ఛాన్స్ ఇవ్వొచ్చు. వీరితో పాటు ఉమేశ్ యాదవ్, మహ్మద్ సిరాజ్లను పరిశీలించే అవకాశం ఉంది. యూఏఈ వేదికగా జరగనున్న టీ20 ప్రపంచకప్లో అక్టోబరు 24న పాకిస్థాన్తో తొలి మ్యాచ్లో టీమ్ఇండియా తలపడనుంది.
టీమ్ఇండియా స్క్వాడ్ రిజర్వ్ ఆటగాళ్లతో పాటు (అంచనా):
విరాట్ కోహ్లీ(కెప్టెన్), రోహిత్ శర్మ, కేఎల్ రాహుల్, రిషబ్ పంత్, హార్దిక్ పాండ్యా, రవీంద్ర జడేజా, సూర్యకుమార్ యాదవ్, జస్ప్రిత్ బుమ్రా, మహ్మద్ షమి, భువనేశ్వర్ కుమార్, యుజ్వేంద్ర చాహల్, దీపక్ చాహర్, శిఖర్ ధావన్, ఇషాన్ కిషన్, వాషింగ్టన్ సుందర్, రాహుల్ చాహర్, చేతన్ సకారియా, శార్దూల్ ఠాకూర్, ఉమేశ్ యాదవ్, వరుణ్ చక్రవర్తి, కృనాల్ పాండ్యా, పృథ్వీషా.
ఇదీ చూడండి.. బీసీసీఐ అపెక్స్ కౌన్సిల్ మీటింగ్.. కీలక అంశాలపై చర్చ
