టీ20 ప్రపంచకప్ (T20 worldcup 2021) వార్మప్ మ్యాచ్లో టీమ్ఇండియా అదరగొట్టింది. ఇంగ్లీష్ జట్టు విధించిన 189 పరుగుల లక్ష్యాన్ని 19 ఓవర్లలో ఛేదించి విజయాన్ని సొంతం చేసుకుంది. షమీ(3/40), బూమ్రా(1/26),చాహర్(1/43) రాణించినప్పటికీ హార్దిక్ పాండ్యా బౌలింగ్ చేయకపోవడం, భువనేశ్వర్ పేలవ ప్రదర్శనపై టీమ్ఇండియా మాజీ కీపర్ పార్థివ్ పటేల్ ఆందోళన వ్యక్తం చేశాడు.
"ఐదుగురు బౌలర్లను మాత్రమే విరాట్ ఉపయోగించుకునేలా కనిపిస్తోంది. కొన్ని మ్యాచ్ల వరకైనా హార్దిక్తో బౌలింగ్ చేపిస్తాడని నేననుకోవడం లేదు. భువనేశ్వర్ కుమార్ పేలవంగా బౌలింగ్ చేస్తున్నాడు."
-పార్థివ్ పటేల్, టీమ్ఇండియా మాజీ వికెట్ కీపర్
వార్మప్ మ్యాచ్లో భువనేశ్వర్ కుమార్ బౌలింగ్తో ఆకట్టుకోలేకపోయాడు. నాలుగు ఓవర్లలో 54 పరుగులు ఇచ్చి ఒక్క వికెట్ కూడా తీయలేకపోయాడు. ఐపీఎల్లోనూ కేవలం ఆరు వికెట్లు మాత్రమే తీశాడు. అటు ఆల్ రౌండర్ హార్దిక్ పాండ్యాను విరాట్ కోహ్లీ బౌలింగ్కు వాడుకోవడం లేదు. ఇలా అయితే.. టీ20 ప్రపంచకప్లో నలుగురు బౌలర్లతోనే నెట్టుకురావల్సి ఉంటుంది. ఇదే విషయమై ఆందోళన వ్యక్తం చేశాడు పార్థివ్ పటేల్.
ఇదీ చదవండి:ప్రాక్టీస్ అదిరింది.. ఇంగ్లాండ్పై భారత్ ఘనవిజయం
