Sri Lanka World Cup 2023 : వరల్డ్ కప్ క్వాలిఫయర్ మ్యాచుల్లో నెగ్గి.. టోర్నీలో ఆడేందుకు శ్రీలంక జట్టు సిద్ధమైంది. టీమ్ బలమైన ప్రదర్శనతో అందరినీ ఆకర్షిస్తుంది. ప్రస్తుతం లంక జట్టులో ఎక్కువ మంది యంగ్ ప్లేయర్లే ఉన్నారు. లంక బౌలర్లకు ఇండియన్ పిచ్లపై మంచి అవగాహన ఉంది. పలు సిరీస్లతో పాటు ఐపీఎల్లో ఆడిన అనుభవమూ ఉంది. ఈ క్రమంలోనే ఈ సారి వరల్డ్ కప్ ఇండియాలో జరగనుండటం వీరికి కలిసొచ్చే అంశం. లంక బౌలర్లకు ఇండియన్ పిచ్లపై మంచి అవగాహన ఉంది. పలు సిరీస్లతో పాటు ఐపీఎల్లో ఆడిన అనుభవమూ ఉంది. ఈ క్రమంలోనే ఈ సారి వరల్డ్ కప్ ఇండియాలో జరగనుండటం వీరికి కలిసొచ్చే అంశం. శ్రీలంక జట్టులో ముఖ్యంగా ఐదుగురు ప్లేయర్లు కీలక పాత్ర పోషించే అవకాశముంది. మరి ఆ ఆటగాళ్లెవరు, ఇంతకు ముందు వారి ప్రదర్శన ఎలా ఉంది అనే వివరాలు ఓ సారి చూద్దాం.
1. మహీశ్ తీక్షణ(maheesh theekshana)
ఆఫ్ స్పిన్నర్ మహీశ్ తీక్షణ శ్రీలంక జట్టులోని కీలక ఆటగాళ్లలో ఒకడు. పెద్ద ఆటగాళ్లు కూడా ఇతని స్పిన్ ముందు బోల్తా పడటం తప్పదు. పాత బంతితో బ్యాటర్ల కన్నుకప్పడమే కాకుండా.. కొత్త బంతితోనూ వికెట్లు తీయగలడు. వికెట్లు టేకింగ్తో పాటు పరుగులూ ఆపగలడు. తీక్షణకు భారత మైదానాల్లో ఆడిన అనుభవం చాలా ఉంది. ఐపీఎల్లో మహేంద్ర సింగ్ ధోనీ సారథ్యంలోని చెన్నై సూపర్ కింగ్స్ తరఫున ఆడాడు. ఇప్పటి వరకు ఇతను 27 వన్డేలాడి 44 వికెట్లు పడగొట్టాడు. ఇతడి యావరేజ్ 4.50 గా ఉంది.
2 మతిశా పతిరన(matheesha pathirana)
యార్కర్ కింగ్ మలింగను పోలిన బౌలింగ్ యాక్షన్తో జూనియర్ మలింగగా పేరు తెచ్చుకున్నాడు మతిశా పతిరన. తన పదునైన యార్కర్లతో బ్యాటర్లను ముప్పు తిప్పలు పెట్టగలడు. ఇతనికి కూడా ఇండియన్ పిచ్లపై ఆడిన అనుభవం చాలానే ఉంది. తీక్షణతో పాటే పతిరన కూడా చెన్నై తరఫునే ఆడాడు. ఐపీఎల్లో ఆ జట్టుకు కీలక బౌలర్గా సేవలందించాడు. ముఖ్యంగా డెత్ ఓవర్లలో ఒక వైపు పరుగులు ఆపుతూ మరోవైపు వికెట్లు పడగొట్టాడు. ఇతను తన కెరీర్లో ఇప్పటివరకు 10 వన్డేలు ఆడి 15 వికెట్లు పడగొట్టాడు.
3 కుశాల్ మెండిస్(kusal mendis)
శ్రీలంక టీమ్ వికెట్ కీపర్, బ్యాటర్ అయిన కుశాల్ మెండిస్.. ఇటీవల జరిగిన ఆసియా కప్లో తన జట్టు తరఫున అత్యధిక పరుగులు చేసిన ఆటగాడిగా నిలిచాడు. ఎక్కువ సేపు క్రీజులో నిలిచి ఇన్నింగ్స్ ఆడటంలో ఇతను ఎక్స్పర్ట్. చాలా రోజులుగా లంక టీమ్కు ఆడుతూ.. మెరుగైన ప్రదర్శన ఇస్తున్నాడు. ఇప్పటిదాకా 112 వన్డేల్లో 3,215 పరుగులు సాధించాడు. మెండిస్ యావరేజ్ 32.15, స్ట్రైక్ రేట్ 84.44 గా ఉంది.
4 ధనంజయ డిసిల్వా(dhananjaya de silva)
ధనంజయ డిసిల్వా శ్రీలంక జట్టులో బెస్ట్ ఆల్ రౌండర్. ఇటు బ్యాట్తో అటు బాల్తోనూ రాణించగలడు. బౌలింగ్లో తన స్వింగ్తో, బ్యాటింగ్లో తన బ్రిలియంట్ హిట్టింగ్తో ప్రత్యర్థులపై ఒత్తిడి పెంచగలడు. ఇప్పటిదాకా 82 వన్డేలాడిన డిసిల్వా.. 26.53 యావరేజ్, 57.24 స్ట్రైక్ రేటుతో 1725 పరుగులు చేశాడు. ఇటు 4.95 ఎకానమీతో 44 వికెట్లు పడగొట్టాడు.
5 దాసున్ శనక(dasun shanaka)
శ్రీలంక కెప్టెన్ అయిన దాసున్ శనక.. ఈ టీమ్లో ప్రాముఖ్యం కలిగిన ఆటగాళ్లలో ఒకడు. తన నాయకత్వంతో జట్టును నడిపించడమే కాకుండా.. బౌలింగ్, బ్యాటింగ్లోనూ రాణిస్తాడు. మరోవైపు ఫినిషర్ పాత్రనూ పోషించగలడు. శనక 67 మ్యాచుల్లో 1024 పరుగులు సాధించాడు. యావరేజ్ 22.29, స్ట్రైక్ రేట్ 92.04 గా ఉంది. మరోవైపు 5.72 ఎకానమీతో 27 వికెట్లనూ తీశాడు.
Bangladesh World Cup 2023 : బరిలోకి బంగ్లా పులులు.. మెగాటోర్నీలో వీరి ప్రభావమెంత?
