టీ20 ప్రపంచకప్లో(T20 World Cup 2021) చిరకాల ప్రత్యర్థి పాకిస్థాన్తో తొలి మ్యాచ్ ఆడేందుకు సిద్ధమవుతోంది టీమ్ఇండియా. అక్టోబర్ 24న ఈ మ్యాచ్ జరగనుంది. ఈ టోర్నీ కోసం కుటుంబసభ్యులు ఆటగాళ్లను కలిసేందుకు అనుమతించింది అంతర్జాతీయ క్రికెట్ కౌన్సిల్. ఈ నేపథ్యంలో టెన్నిస్ స్టార్ సానియా మీర్జా(Sania Mirza News) దుబాయ్కి చేరుకుంది. అక్కడే బయోబబుల్లో ఉన్న తన భర్త, పాక్ ఆటగాడు షోయబ్ మాలిక్ను కలిసింది.
క్వారంటైన్ పూర్తి చేసుకున్న సానియా.. తన తనయుడిని కూడా బయోబబుల్లోకి తీసుకెళ్లింది. మాలిక్తో పాటు ఇతర పాకిస్థాన్ క్రికెటర్లు ఇమాద్ వాసిమ్, ఫకర్ జమాన్, హసన్ అలీ, మహమ్మద్ రిజ్వాన్, మహమ్మద్ హఫీజ్, ఉస్మాన్ ఖదీర్ కుటుంబ సభ్యులు కూడా దుబాయ్కి చేరుకున్నారు.
సోషల్ మీడియాకు దూరంగా..
కాగా.. ఆదివారం భారత్, పాకిస్థాన్ మ్యాచ్(Ind vs Pak T20 World Cup) నేపథ్యంలో సోషల్ మీడియాకు దూరంగా ఉండనున్నట్లు సానియా ఇన్స్టాలో పోస్ట్ చేసింది. అందుకు కారణం కూడా వివరించింది. సోషల్ మీడియాలో ఆరోజు ఏదైనా పోస్ట్ చేస్తే విపరీతంగా ట్రోల్స్ వస్తాయని ఈ నిర్ణయం తీసుకున్నట్లు తెలిపింది.
- " class="align-text-top noRightClick twitterSection" data="
">
ఇదీ చదవండి:
