pak captain babar azam record: పాకిస్థాన్ కెప్టెన్ బాబర్ అజామ్ అరుదైన రికార్డు సాధించాడు. వెస్టిండీస్తో జరిగిన రెండో వన్డేలో 93 బంతుల్లో 77 పరుగులు చేశాడు. దీంతో అంతర్జాతీయ క్రికెట్లో బాబర్కు ఇది వరుసగా 9వ ఫిఫ్టీ ప్లస్ స్కోరు కావడం విశేషం. గతంలో ఏ ఇతర బ్యాటర్కు సాధ్యం కాని రికార్డు ఇది. ఆస్ట్రేలియాతో జరిగిన రెండో టెస్టులో 196 రన్స్ చేయడంతో బాబర్ ఫిఫ్టీ ప్లస్ స్కోరు పరంపర మొదలైంది. ఆ తర్వాత మూడు, నాలుగో టెస్టు మ్యాచ్ల్లో వరుసగా 66,55.. అనంతరం మూడు వన్డేల సిరీస్లో 57,114,105*, ఓ టీ20 మ్యాచ్లో 66 స్కోర్లలో ఆ సిరీస్ ముగించాడు. ఇక ఇప్పుడు వెస్టిండీస్తో జరుగుతున్న సిరీస్లో భాగంగా తొలి రెండు వన్డేల్లో సెంచరీ, 77 రన్స్ చేయడం విశేషం. ఈ క్రమంలోనే వన్డేల్లో కెప్టెన్గా కేవలం 13 ఇన్నింగ్స్లోనే వెయ్యి రన్స్ చేసిన అరుదైన ఘనతను బాబర్ సొంతం చేసుకున్నాడు. కాగా, కోహ్లీకి ఈ ఫీట్ అందుకోవడానికి 17 ఇన్నింగ్స్ పట్టడం గమనార్హం.
Imam ul haq run out: మరోవైపు ఈ రెండో మ్యాచ్లో మిస్కమ్యూనికేషన్ ద్వారా ఓ తప్పిదం జరిగింది. కెప్టెన్ బాబర్ చేసిన చిన్న పొరపాటు వల్ల పాక్ జట్టులోని మరో ప్లేయర్ ఇమామ్ ఉల్ హక్ రనౌట్గా వెనుదిరగాల్సి వచ్చింది. దీంతో ఇమామ్ బ్యాట్ను నేలకేసి బాది కోపంగా మైదానం నుంచి బయటకు వెళ్లాడు.
17 పరుగుల వద్ద ఫకర్ జమాన్ ఔటైన్ తర్వాత బాబర్ క్రీజులోకి వచ్చాడు. మరో ఓపెనర్ ఇమామ్తో కలిసి ఇన్నింగ్స్ను నడిపించాడు. ఇద్దరి మధ్య రెండో వికెట్కు 120 పరుగుల భాగస్వామ్యం ఏర్పడింది. ఈ క్రమంలోనే బాబర్ చేసిన చిన్న తప్పు వికెట్ పడేలా చేసింది. ఇన్నింగ్స్ 28వ ఓవర్లో అకీల్ హొసేన్ బౌలింగ్కు రాగా.. ఇమామ్ హక్ మిడ్వికెట్ దిశగా ఆడి సింగిల్కు ప్రయత్నించాడు. అయితే బంతి ఎక్కువ దూరం వెళ్లకపోవడం వల్ల బాబర్ పరుగు తీయలేదు. అయితే అప్పటికే ఇమామ్ సగం క్రీజు దాటి నాన్స్ట్రైకర్ ఎండ్కు వచ్చేశాడు. బాబర్ పిలుపుతో వెనక్కి వెళ్లినప్పటికీ అప్పటికే జరగాల్సిన నష్టం జరిగిపోయింది. బంతి అందుకున్న షై హోప్ వికెట్లను గిరాటేయడం వల్ల ఇమామ్ 72 పరుగుల వద్ద రనౌట్ అయ్యాడు. దీంతో అతడు కోపంతో బ్యాట్ కింద్ కొట్టుకుంటూ మైదానం నుంచి వీడాడు. దీనికి సంబంధించిన వీడియో నెట్టింట్లో వైరల్గా మారింది.
ఇదీ చూడండి: 'పంత్ ప్రమాదకరం.. కోహ్లీకి మంచి రోజులొస్తాయ్'
