ఐపీఎల్ 2022(IPL 2022 New Team Name) నేపథ్యంలో రెండు కొత్త జట్ల కోసం ఇటీవలే టెండర్లను ఆహ్వానించింది బీసీసీఐ. ఈ నేపథ్యంలో ఓ జట్టును కొనుగోలు చేసేందుకు ప్రముఖ పుట్బాల్ క్లబ్ 'మాంచెస్టర్ యునైటెడ్'(Manchester United News) ఆసక్తి చూపిస్తున్నట్లు తెలుస్తోంది. ఈ మేరకు క్లబ్ యాజమాన్యమైన గ్లేజర్ కుటుంబం(Glazer Family) బీసీసీఐ నుంచి టెండర్ పత్రాలను కూడా తీసుకున్నట్లు ఓ పత్రిక తమ కథనంలో పేర్కొంది.
విదేశీ కంపెనీలు కూడా ఐపీఎల్ టీమ్ను సొంతం చేసుకునేందుకు టెండర్లను ఆహ్వానించింది బీసీసీఐ. ఒకవేళ ఆ సంస్థలకు బిడ్ దక్కితే వారు స్వదేశంలో కూడా కంపెనీని ఏర్పాటు చేయాల్సి ఉంటుంది. అయితే.. అమెరికాకు చెందిన గ్లేజర్ కుటుంబం ఐపీఎల్లో ఓ ఫ్రాంచైజీ దక్కించుకునేందుకు బిడ్ వేస్తుందా? లేదా? అనేదానిపై ఇంకా స్పష్టత రాలేదు.
ఒకవేళ మాంచెస్టర్ క్లబ్ కొత్త జట్టును దక్కించుకుంటే.. ఐపీఎల్కు ప్రపంచవ్యాప్తంగా ఆదరణ పెరుగుతుందని బీసీసీఐ భావిస్తోందని సమాచారం. దీని వల్ల లీగ్ విస్తరణ కూడా జరపొచ్చని బీసీసీఐ ప్లాన్ చేస్తున్నట్లు నిపుణులు చెబుతున్నారు.
ఫుట్బాల్ దిగ్గజం, పోర్చుగల్ ఆటగాడు క్రిస్టియానో రొనాల్డో ప్రస్తుతం మాంచెస్టర్ క్లబ్ జట్టుకే ప్రాతనిధ్యం వహిస్తున్నాడు. ..గ్లేజర్ కుటుంబం మాంచెస్టర్తో పాటు అమెరికా ఫుట్బాల్ లీగ్(ఎన్ఎఫ్ఎల్)కు చెందిన 'తంప బే బకనీర్స్'కూ యజమాని కావడం గమనార్హం.
రేసులో ఎవరెవరు..
కొత్త ఫ్రాంచైజీల కోసం అదానీ గ్రూప్, టొరెంట్ ఫార్మా, అరబిందో ఫార్మా, ఆర్పీ సంజీవ్ గోయెంక గ్రూప్, హిందుస్థాన్ టైమ్స్ మీడియా, జిందాల్ స్టీల్ సంస్థలు పోటీ పడుతున్నాయి.
ఇదీ చదవండి:
