KL Rahul Fitness : ఆసియా కప్ 2023 కోసం భారత జట్టును బీసీసీఐ సోమవారం ప్రకటించిన విషయం తెలిసిందే. జట్టు ప్రకటన అనంతరం చీఫ్ సెలెక్టర్ అజిత్ ఆగార్కర్, కెప్టెన్ రోహిత్ శర్మతో కలిసి మీడియా సమావేశంలో పాల్గొన్నాడు. ప్రెస్మీట్లో అగార్కర్ మాట్లాడుతూ.. జట్టులో కేఎల్ రాహుల్కు బ్యాక్అప్ ప్లేయర్గా.. సంజూ శాంసన్ను 18వ మెంబర్గా తీసుకున్నట్లు స్పష్టం చేశాడు. అయితే ఆటగాడు పూర్తి ఫిట్నెస్ సాధించకపోతే జట్టులో సెలెక్ట్ చేయడం ఎందుకంటూ.. టీమ్ఇండియా మాజీ సెలెక్టర్ కృష్ణమాచారి బీసీసీఐని ప్రశ్నించాడు.
జట్టు ప్రకటన అనంతరం స్టార్ బ్యాటర్ కేఎల్ రాహుల్ పూర్తిగా కోలుకోలేదని.. అతడు ట్రీట్మెంట్ తీసుకుంటున్నాడని ఆగార్కర్ తెలిపాడు. అంతేకాకుండా అతడు పాకిస్థాన్తో జరిగే మ్యాచ్కు అందుబాటులో ఉండకపోవచ్చని పేర్కొన్నాడు. ఒకవేళ రాహుల్ పూర్తిగా కోలుకోకపోతే.. ఆ స్థానాన్ని శాంసన్తో భర్తీ చేయడానికే అతడిని రిజర్వ్ ఆటగాడిగా తీసుకుంది బీసీసీఐ. ఈ క్రమంలో జట్టు కూర్పుపై.. సెలెక్టర్ల తీరును కృష్ణమాచారి సోషల్మీడియా వేదికగా తప్పుపట్టాడు. 'గాయంతో ఉన్న ఆటగాడిని ఎలా ఎంపిక చేశారు' అని కృష్ణమాచారి మండిపడ్డాడు.
"ఒకవేళ రాహుల్ను ప్రపంచకప్నకు సిద్ధం చేయాలనుకుంటే అది వేరే విషయం. అంతేకానీ ఫిట్గా లేని అతడిని ఎంపిక చేసి.. మరో ప్లేయర్కు అన్యాయం చేయడం దేనికి. గతంలో ఒకసారి నేను సెలెక్షన్ కమిటీలో ఉండగా.. 2010లో సౌతాఫ్రికాతో టెస్టు మ్యాచ్ కోసం జట్టును ఎంపిక చేశాం. ఆ సమయానికి వీవీఎస్ లక్ష్మణ్ ఫిట్గా లేడు. అందుకని అతడిని పక్కన పెట్టి.. యంగ్ స్టార్ వృద్ధిమాన్ సాహకు అవకాశం ఇచ్చాం. దీంతో సాహా ఆ మ్యాచ్తో అంతర్జాతీయ అరంగేట్రం చేశాడు. అలా జట్టును ఎంపిక చేసేటప్పుడు కాస్త ఆలోచించాలి" అని కృష్ణమాచారి అన్నాడు.
కాగా 2023 ఐపీఎల్లో బెంగళూరుతో మ్యాచ్ ఆడుతుండగా రాహుల్ గాయపడ్డాడు. అతడు చివరిసారిగా టీమ్ఇండియా తరఫున మార్చిలో ఆస్ట్రేలియాతో జరిగిన వన్డే మ్యాచ్లో ఆడాడు.
ఆసియ కప్నకు ఎంపికైన భారత జట్టు..
Team India 2023 Asia Cup Squad : రోహిత్ శర్మ (కెప్టెన్), శుభ్మన్ గిల్, విరాట్ కోహ్లీ, తిలక్ వర్మ, శ్రేయస్ అయ్యర్, కేఎల్ రాహుల్ (వికెట్‌ కీపర్‌), సూర్యకుమార్‌ యాదవ్‌, హార్దిక్ పాండ్య, ఇషాన్‌ కిషన్‌ (వికెట్‌ కీపర్‌), రవీంద్ర జడేజా, అక్షర్‌ పటేల్‌, కుల్దీప్‌ యాదవ్‌, శార్దూల్‌ ఠాకూర్‌, జస్‌ప్రీత్‌ బుమ్రా, మహ్మద్‌ షమీ, మహ్మద్‌ సిరాజ్‌, ప్రసిద్‌ కృష్ణ. స్టాండ్‌ బై: సంజూ శాంసన్.
