ఐపీఎల్ రెండో దశకు రాయల్ ఛాలెంజర్స్ బెంగళూరు జట్టులో భారీ మార్పులు చేసింది. కోచ్ సహా పలువురు కీలక ఆటగాళ్ల స్థానంలో కొత్తవారిని భర్తీ చేసింది. న్యూజిలాండ్ ఆటగాడు ఫిన్ అలెన్ స్థానంలో సింగపూర్ ఆటగాడు టిమ్ డేవిడ్ను తీసుకుంటున్నట్లు తెలిపింది. ఈ పేరు వెలుగులోకి వచ్చినప్పుటి నుంచి అభిమానులు అతని గురించి వెతకడం మొదలెట్టారు. ఆర్సీబీ కీలకంగా భావిస్తున్న ఈ సింగపూర్ ఆటగాడు.. ఐపీఎల్లో ఆడటం ఇదే తొలిసారి.
టిమ్ డేవిడ్.. 1996 మార్చి 16న జన్మించాడు. ఇప్పటివరకు అంతర్జాతీయంగా 14 టీ20లు ఆడాడు. వీటిలో నాలుగు అర్ధశతకాలు కూడా ఉన్నాయి. 46.50 సగటుతో 558 పరుగులు చేశాడు. టిమ్.. 158.52తో అత్యధిక టీ20 స్ట్రైక్ రేట్ను నమోదు చేశాడు. లిస్ట్ ఏ మ్యాచ్లు, రాయల్ లండన్ వన్డే కప్ 2021లతో టిమ్కు గుర్తింపు వచ్చింది. రాయల్ వన్డే కప్లో వరుసగా మూడు మ్యాచ్లలో 140*, 52*, and 102 పరుగులు చేశాడు. 15 లిస్ట్ఏ మ్యాచ్లు అడిన టిమ్.. 709 పరుగులు చేశాడు.
టిమ్ ఇప్పటికే పలు దేశీయ టోర్నీలకు ఆడుతున్నాడు. బిగ్బాష్ లీగ్, కరీబియన్ ప్రీమియర్ లీగ్, పాకిస్థాన్ సూపర్ లీగ్లలో టిమ్ ఆటగాడిగా కొనసాగాడు. టిమ్ తండ్రి రోడెరిక్ డేవిడ్ కూడా సింగపూర్కు క్రికెటర్గా సేవలు అందించారు.
ఇదీ చదవండి:రాజస్థాన్కు షాక్.. ఐపీఎల్కు బట్లర్ దూరం
