డేవిడ్ వార్నర్ను కెప్టెన్సీ నుంచి తప్పిస్తూ కీలక నిర్ణయం తీసుకుంది సన్రైజర్స్ హైదరాబాద్. అలాగే విదేశీ ఆటగాళ్ల కాంబినేషన్ను కూడా మారుస్తున్నట్లు వెల్లడించింది. దీంతో రాజస్థాన్ రాయల్స్తో జరిగే మ్యాచ్లో వార్నర్ ఉంటాడా?లేడా? అనేది సందేహంగా మారింది. తర్వాత మ్యాచ్ నుంచి కేన్ విలియమ్సన్ కెప్టెన్గా ఉంటాడంటూ ప్రకటించింది. దీనిపై ఓ పోస్ట్ చేసింది సన్రైజర్స్.
"రేపు జరిగే మ్యాచ్ నుంచి సన్రైజర్స్ హైదరాబాద్కు కేన్ విలియమ్సన్ కెప్టెన్గా వ్యవహరిస్తాడని తెలుపుతున్నాం. అలాగే ఆదివారం రాజస్థాన్ రాయల్స్తో జరిగే మ్యాచ్లో విదేశీ ఆటగాళ్ల కాంబినేషన్ను కూడా మార్చబోతున్నాం. కొన్నేళ్లుగా వార్నర్ జట్టుకు ఎంతో సేవ చేశాడు. దానిని గౌరవిస్తున్నాం. తర్వాత కూడా వార్నర్ మైదానంలోనూ, మైదానం బయటా జట్టుకు మద్దతుగా ఉంటాడని భావిస్తున్నాం."
-సన్రైజర్స్ పోస్ట్
ఈ సీజన్లో ఇప్పటివరకు ఆరు మ్యాచ్లాడిన సన్రైజర్స్ కేవలం ఒకే మ్యాచ్లో గెలుపొందింది. ఫలితంగా పాయింట్ల పట్టికలో అట్టడుగు స్థానాన నిలిచింది. దీంతో జట్టుపై విమర్శలూ వస్తున్నాయి. దీంతో మేనేజ్మెంట్ ఈ నిర్ణయం తీసుకున్నట్లు తెలుస్తోంది.
