చెన్నై సూపర్కింగ్స్ కెప్టెన్ ధోనీ సరికొత్త రికార్డును అందుకున్నాడు. సీఎస్కే తరపున 100 క్యాచ్లు పట్టిన ఆటగాడిగా నిలిచాడు. సన్రైజర్స్ హైదరాబాద్తో గురువారం జరిగిన మ్యాచ్లో పట్టిన మూడు క్యాచ్లతో ఈ ఘనత సొంతం చేసుకున్నాడు. సురేశ్ రైనా(98 క్యాచ్లు), ముంబయి ఇండియన్స్ తరపున పొలార్డ్(94 క్యాచ్లు) తర్వాతి స్థానాల్లో ఉన్నారు.
వికెట్ కీపర్గా టాప్..
ఐపీఎల్లో అత్యధిక క్యాచ్లు అందుకున్న వికెట్ కీపర్గా ధోనీకి ఇప్పటికే రికార్డ్ ఉంది. 215 మ్యాచ్లలో 158 ఆటగాళ్లను ఔట్ చేశాడు. టీ20ల్లో 119 క్యాచ్లు, 39 స్టంపౌట్లు చేశాడు. ఐపీఎల్లో బ్యాటింగ్లో అంతగా రాణించలేకపోయినా.. సీఎస్కే విజయంలో ధోనీది కీలక పాత్ర. ఫీల్టిండ్, బౌలింగ్ మార్పులు వంటి వ్యూహాత్మకత ప్లాన్స్తో సీఎస్కేకు తిరుగులేని విజయాలు అందిస్తున్నాడు.
గురువారం 6 వికెట్ల తేడాతో సన్రైజర్స్ హైదరాబాద్ను ఓడించింది చెన్నై. మొదట బ్యాటింగ్కు దిగిన హైదరాబాద్.. 7 వికెట్ల నష్టానికి 134 పరుగులు చేసింది. ఛేదనలో చకచకా సాగిపోయిన చెన్నై.. విజయాన్ని అందుకుని ప్లేఆఫ్స్లో అడుగుపెట్టింది. ఓపెనర్లు రుతురాజ్ గైక్వాడ్, డుప్లెసిస్ రాణించారు.
ఇదీ చదవండి:Dhoni CSK: 'చేయాల్సింది ఇంకా చాలా ఉంది'
