ఆస్ట్రేలియా బ్యాట్స్మన్ స్టీవ్స్మిత్ను అతితక్కువ ధరకే సొంతం చేసుకోవడం తమ అదృష్టమని అంటున్నాడు దిల్లీ క్యాపిటల్స్ అసిస్టెంట్ కోచ్ మహ్మద్ కైఫ్. అయితే వేలంలో అతడిని ఎంత ధరకైనా కొనేందుకు తమ యాజమాన్యం సిద్ధపడిందని వేలం అనంతరం మీడియాతో వెల్లడించాడు.
"ఐపీఎల్ గత సీజన్లో మా టీమ్లోని కీలక ఆటగాళ్లైన అమిత్ మిశ్రా, ఇషాంత్ శర్మ గాయాలతో టోర్నీకి దూరమయ్యారు. ఈ నేపథ్యంలో ప్రస్తుత సీజన్కు బ్యాకప్ కోసం అంతర్జాతీయ క్రికెటర్లను వేలంలో కొనుగోలు చేయాలని నిర్ణయించుకున్నాం. నాకు తెలిసి అతడు (స్మిత్) అంత తక్కువ దొరకడం మా అదృష్టం".
- మహ్మద్ కైఫ్, దిల్లీ క్యాపిటల్స్ అసిస్టెంట్ కోచ్
గతేడాది రాజస్థాన్ రాయల్స్ జట్టుకు ఆడిన స్టీవ్స్మిత్.. ఆడిన 14 మ్యాచ్ల్లో 25.91 రన్రేట్తో కేవలం 311 పరుగులను చేశాడు. గత సీజన్లో తన ప్రదర్శనతో యాజమాన్యాన్ని మెప్పించకపోవడం వల్ల.. ప్రస్తుత సీజన్లో ఆ జట్టు వదులుకుంది. దీంతో రూ.2 కోట్ల కనీస ధరతో ఐపీఎల్ వేలంలోకి వచ్చిన స్మిత్ను.. దిల్లీ క్యాపిటల్స్ జట్టు రూ.2.2 కోట్లకు సొంతం చేసుకుంది. 2018 ఐపీఎల్ సీజన్లో స్మిత్ను అత్యధికంగా రూ.12.5 కోట్లను రిటైన్ చేసుకుంది.
ఇదీ చూడండి: ఐపీఎల్ 2021: ఏ జట్టులో ఎవరెవరు?
