ఇండియన్ ప్రీమియర్ లీగ్ 2023 సీజన్‌లో భాగంగా కోల్కతా నైట్ రైడర్స్- గుజరాత్ టైటాన్స్‌ మధ్య జరుగుతున్న మ్యాచ్లో ఓ అరుదైన దృశ్యం చోటు చేసుకుంది. దీంతో ఈ అరుదైన సంఘటన సోషల్మీడియాలో ట్రెండింగ్గా మారింది. అదేంటంటే.. ఐపీఎల్‌లో హాఫ్ సెంచరీ బాదిన తొలి ఆఫ్గానిస్థాన్ క్రికెటర్‌గా నిలిచిన కెకేఆర్ ఓపెనర్ రెహ్మానుల్లా గుర్బాజ్.. తాజా ఇన్నింగ్స్లో 39 బంతుల్లో 81; 5x4, 7x6 మెరుపు ఇన్నింగ్స్ ఆడి మరో అర్ధ శతకాన్ని నమోదు చేశాడు. అంతకుముందు మహ్మద్ నబీ, ముజీబ్ వుర్ రెహ్మాన్, రషీద్ ఖాన్ వంటి అఫ్గానిస్థాన్కు చెందిన స్టార్ ప్లేయర్లు.. ఐపీఎల్‌లో 50 ప్లస్ స్కోరును నమోదు చేయలేకపోయారు. ఇకపోతే గతేడాది కేకేఆర్‌లో ఉన్న రెహ్మనుల్లా గుర్భాజ్.. అప్పుడు ఒక్క మ్యాచ్లో కూడా తుది జట్టులో చోటు దక్కించుకోలేకపోయాడు. కానీ ఈ సారి చోటు సంపాదించుకున్న అతడు హాఫ్ సెంచరీలతో చెలరేగుతున్నాడు.
అలా అఫ్గానిస్థాన్ చెందిన ఇతడు తాజా మ్యాచ్లో కేవలం 39 బంతుల్లోనే ఏడు సిక్సర్లు, ఐదు ఫోర్ల సాయంతో ప్రత్యర్థులపై విరుచుకుపడుతూ.. 81 పరుగులు చేశాడు. ధాటిగా ఆడుతున్న అతడిని ఔట్‌ చేయడానికి గుజరాత్ బౌలర్లు చాలా శ్రమించారు. అయితే నూర్‌ అహ్మద్‌ ఎట్టకేలకు గుర్బాజ్‌ను పెవిలియన్ పంపించాడు. ఇన్నింగ్స్ 16వ ఓవర్‌ సెకండ్ బాల్ను గుర్బాజ్.. డీప్‌ మిడ్‌వికెట్‌ మీదుగా భారీ షాట్‌ ఆడాడు. అయితే అక్కడే ఉన్న రషీద్ ఖాన్ అతడి క్యాచ్ పట్టుకున్నాడు.
అయితే ఇక్కడ విశేషమేమిటంటే.. బ్యాటింగ్ ఆడిన రెహ్మానుల్లా, బంతిని సంధించిన నూర్‌ అహ్మద్‌, క్యాచ్ అందుకున్న రషీద్ ఖాన్.. ఈ ముగ్గురు ఆటగాళ్లు ఒక దేశానికి చెందిన ప్లేయర్సే కావడం విశేషం. ప్రస్తుతం ఈ ముగ్గురు అఫ్గానిస్థాన్ జట్టులో కీలక పాత్ర పోషిస్తున్నారు. అలా బ్యాటింగ్ ఆడిన వ్యక్తి.. బౌలింగ్ చేసిన ప్లేయర్.. క్యాచ్ పట్టిన ఆటగాడు.. ఒకే దేశానికి చెందినవారు కావడం చాలా అరుదుగా చూస్తుంటాం. తాజాగా ఐపీఎల్.. ఈ అరుదైన దృశ్యానికి వేదిక అయింది.
-
What a coincidence happened with Rahmanullah Gurbaz wicket , Afghanistan batter got out by bowler noor ahmed and caught by Rashid khan all three are Afghani
— Atif (@VGaming84766254) April 29, 2023 " class="align-text-top noRightClick twitterSection" data="
kisi ne sahi kaha h apne apne ke dusman hote h ! #KKRvGT #RashidKhan #Gurbaz#rinkusingh
">What a coincidence happened with Rahmanullah Gurbaz wicket , Afghanistan batter got out by bowler noor ahmed and caught by Rashid khan all three are Afghani
— Atif (@VGaming84766254) April 29, 2023
kisi ne sahi kaha h apne apne ke dusman hote h ! #KKRvGT #RashidKhan #Gurbaz#rinkusinghWhat a coincidence happened with Rahmanullah Gurbaz wicket , Afghanistan batter got out by bowler noor ahmed and caught by Rashid khan all three are Afghani
— Atif (@VGaming84766254) April 29, 2023
kisi ne sahi kaha h apne apne ke dusman hote h ! #KKRvGT #RashidKhan #Gurbaz#rinkusingh
రషీద్ రెండో సారి ఇలా.. తాజా మ్యాచ్లో రషీద్ ఖాన్ పేలవ ప్రదర్శన చేశాడు. 2018 సీజన్‌లో సన్‌రైజర్స్ హైదరాబాద్కు ప్రాతినిధ్యం వహించిన అతడు.. అప్పుడు పంజాబ్ కింగ్స్‌తో జరిగిన ఓ మ్యాచ్లో ఏకంగా 55 పరుగులు సమర్పించుకున్నాడు. మళ్లీ ఇప్పుడు కేకేఆర్ తరఫున ఆడుతున్న అతడు... తాజా మ్యాచ్లో వికెట్ తీయకుండా 54 పరుగులు సమర్పించుకుని.. ఐపీఎల్‌లో రెండో సారి చెత్త ప్రదర్శన నమోదు చేశాడు.
ఇదీ చూడండి: IPL 2023 : రెహ్మానుల్లా గుర్బాజ్ మెరుపు ఇన్నింగ్స్.. వెనక్కి పరిగెడుతూ మోహిత్ శర్మ డైవింగ్ క్యాచ్!
