అబుదాబి వేదికగా రాజస్థాన్ రాయల్స్ జట్టుతో తలపడ్డ ముంబయి ఇండియన్స్ అనూహ్యంగా ఓటమిపాలైంది. రాజస్థాన్ ముందు భారీ లక్ష్యాన్ని ఉంచినా గెలుపుని చేజిక్కించుకోలేకపోయింది. దీనిపై స్పందించిన ముంబయి జట్టు కెప్టెన్ కీరన్ పొలార్డ్.. బౌలర్లు బాగానే ప్రయత్నించారని.. కానీ దానికి ప్రతిఫలం భిన్నంగా వచ్చిందని వెల్లడించాడు.
" హార్ధిక్ బాగా ఆడాడు. బౌలర్లు బాగా ప్రయత్నించారు కానీ దానికి భిన్నమైన ఫలితం లభించింది. కానీ, రాజస్థాన్ జట్టుకు గట్టి పోటీ ఇచ్చాం. స్టోక్స్- శాంసన్ అద్భుత ఇన్నింగ్స్ ఆడారు."
-కీరన్ పొలార్డ్, ముంబయి జట్టు సారథి.
రాజస్థాన్ ముందు భారీ లక్ష్యాన్ని (195 పరుగులు) ఉంచినా ముంబయి ఓటమిపాలైంది. హార్ధిక్ 21 బంతుల్లో 60 పరుగులు చేసి జట్టుకు పెద్ద స్కోరు అందించినా.. రాజస్థాన్ ఈ లక్ష్యాన్ని అలవోకగా ఛేదించింది. స్టోక్స్ 107, శాంసన్ పరుగులతో ఆకట్టుకున్నారు.
