టీమ్ఇండియాపై ఆసక్తికరమైన వ్యాఖ్యలు చేశాడు ఆస్ట్రేలియా టెస్టు కెప్టెన్ టిమ్ పైన్. ప్రత్యర్థి జట్టు ధ్యాస మళ్లించడంలో భారత ఆటగాళ్లు దిట్ట అని అన్నాడు. ఆసీస్ గడ్డపై భారత్ సిరీస్ నెగ్గడంపై ఈ విధంగా మాట్లాడాడు టిమ్ పైన్.
"టీమ్ఇండియాతో ఆడటం ఛాలెంజింగ్గా ఉంటుంది. ఇతర ఆటగాళ్ల ధ్యాస మళ్లించడంలో భారత ఆటగాళ్లు అనుభవజ్ఞులు. బోర్డర్ గావస్కర్ ట్రోఫీలోనూ భారత్ ఇలాంటి ప్రయత్నాలు చేసి ఆసీస్ ఆటగాళ్ల దృష్టిని మరల్చింది. కీలక ఆటగాళ్లు లేకపోయినా సిరీస్ నెగ్గింది."
--టిమ్ పైన్, ఆస్ట్రేలియా టెస్ట్ కెప్టెన్.
కెప్టెన్సీకి టాటా!
యాషెస్ టెస్టులో ఇంగ్లాండ్పై విజయం సాధిస్తే టెస్టు కెప్టెన్సీ వదులుకుంటా అని పరోక్షంగా చెప్పాడు టిమ్ పైన్. తన స్థానంలో స్టీవ్ స్మిత్ను తిరిగి కెప్టెన్ చేస్తే బాగుంటుందని అభిప్రాయపడ్డాడు. స్మిత్ సమర్థమైన కెప్టెన్గా రాణించగలడని ధీమా వ్యక్తం చేశాడు.
గతంలో బాల్ టాంపరింగ్ ఆరోపణల కారణంగా స్మిత్ కెప్టెన్సీ నుంచి వైదొలిగాడు.
ఇదీ చదవండి:'భారత జట్టు భావి సారథి అతడే'
