IND vs SA 2nd Test: జోహెన్నెస్బర్గ్ వేదికగా దక్షిణాఫ్రికాతో రెండో టెస్టు రెండో రోజు ఆట ముగిసేసరికి టీమ్ఇండియా 58 పరుగుల అధిక్యంలో ఉంది. రెండో ఇన్నింగ్స్ ఆరంభంలోనే రెండు కీలక వికెట్లు కోల్పోయిన భారత్.. 85 పరుగులు చేసింది. ప్రస్తుతం క్రీజులో ఛెతేశ్వర్ పుజారా (35), అజింక్య రహానే(11) ఉన్నారు.
ఆరంభంలోనే కెప్టెన్ కేఎల్ రాహుల్ను (8) పెవిలియన్కు పంపాడు దక్షిణాఫ్రికా బౌలర్ మార్కో జాన్సెన్. కొద్దిసేపటికి ఒలీవర్ బౌలింగ్లో ఎల్బీడబ్ల్యూగా వెనుదిరిగాడు మయాంక్ అగర్వాల్(23).
తొలి ఇన్నింగ్స్లో దక్షిణాఫ్రికాపై విరుచుకుపడ్డాడు భారత బౌలర్ శార్దుల్ ఠాకుర్. ఏడు వికెట్లు పడగొట్టాడు. దీంతో తొలి ఇన్నింగ్స్లో సౌతాఫ్రికా 229 పరుగులకు ఆలౌటైంది. అంతకుముందు భారత్ తొలి ఇన్నింగ్స్లో 202 పరుగులకు ఆలౌటైంది.
ఇదీ చదవండి:
IND vs SA 2nd Test: శార్దుల్కు ఏడు వికెట్లు- సౌతాఫ్రికా 229 ఆలౌట్
