Ind s Ire Live Streaming : వెస్టిండీస్ పర్యటన ముగించుకున్న భారత్.. శుక్రవారం నుంచి ఐర్లాండ్తో మూడు మ్యాచ్ల టీ20 సిరీస్ ఆడనుంది. ఫాస్ట్ బౌలర్ జస్ప్రీత్ బుమ్రా నాయకత్వంలో.. టీమ్ఇండియా యువ జట్టు ఐర్లాండ్తో అమీతుమీ తేల్చుకోనుంది. ఈ క్రమంలో ఇరు జట్ల మధ్య తొలి టీ20 మ్యాచ్ శుక్రవారం డబ్లిన్ వేదికగా జరగనుంది. అయితే ఈ మ్యాచ్లు ఎక్కడ లైవ్ స్ట్రీమింగ్ అవ్వనున్నాయంటే...
ఐర్లాండ్తో జరిగే మ్యాచ్ల ప్రసార హక్కులను టీవీ 18 దక్కించుకుంది. దీంతో ఐర్లాండ్ సిరీస్కు టీవీ 18 అధికారిక బ్రాడ్కాస్టర్గా వ్యవహరించనుంది. అందుకని ఈ మ్యాచ్లు టీవీ 18 ఛానెల్లో టెలికాస్టింగ్ కానున్నాయి. అలాగే జియో సినిమాలో లైవ్ స్ట్రీమింగ్ అందుబాటులో ఉండనుంది. అయితే ఈ మూడు మ్యచ్లకు కూడా డబ్లిన్ మైదానం వేదికకానుంది. మ్యాచ్లన్నీ భారత కాలమానం ప్రకారం రాత్రి 7.30 గంటలకు ప్రారంభం అవుతాయి. కాగా చాలా రోజుల తర్వాత జట్టులోకి రీ ఎంట్రీ ఇచ్చిన బౌలర్ బుమ్రా.. ఎలా ఆడతాడనేది ఆసక్తికరంగా మారింది. ఆయితే ఈ జట్టుకు రుతురాజ్ గైక్వాడ్ వైస్కెప్టెన్గా వ్యవహరించనున్నాడు.
ఎప్పుడెప్పుడు మ్యాచ్లు జరగనున్నాయి?
- మొదటి టీ20 ఆగస్ట్ 18
- రెండో టీ20 ఆగస్ట్ 20
- మూడో టీ20 ఆగస్ట్ 23.
Rinku Singh International Debut : ఐపీఎల్ సంచలనం రింకూ సింగ్ ఈ పర్యటనలో అంతర్జాతీయ అరంగేట్రం చేయడం దాదాపు ఖాయమైనట్టే. అయితే మొదటిసారి సెలెక్టర్ల పిలుపు అందుకున్న రింకూపై భారీ అంచనాలే ఉన్నాయి. ఈ సిరీస్లో సత్తాచాటితే రింకూ సింగ్కు టీమ్ఇండియాలో మంచి భవిష్యత్ ఖాయమని క్రికెట్ విశ్లేషకులు అంటున్నారు. మరోవైపు వికెట్ కీపర్, బ్యాటర్ జితేశ్ శర్మ కూడా మొదటిసారి జట్టులో చోటు దక్కించుకున్నాడు.
ఐర్లాండ్ పర్యటనకు ఎంపికైన భారత జట్టు..
జస్ప్రీత్ బుమ్రా (కెప్టెన్), రుతురాజ్ గైక్వాడ్ (వైస్ కెప్టెన్), యశస్వి జైశ్వాల్, తిలక్ వర్మ, రింకూ సింగ్, వాషింగ్టన్ సుందర్, శివమ్ దూబె, షహ్బాజ్ అహ్మద్, సంజు శాంసన్ (వికెట్ కీపర్) , జితేశ్ శర్మ (వికెట్ కీపర్), రవి బిష్ణోయ్, ప్రసిద్ధ్ కృష్ణ, అర్షదీప్ సింగ్, ముకేశ్ కుమార్, ఆవేశ్ ఖాన్.
