ICC World Cup 2023 India Squad : ఆసియా కప్ 2023 సూపర్ 4 స్టేజ్లో బంగ్లాదేశ్తో జరిగిన మ్యాచ్లో టీమ్ఇండియా బౌలర్ అక్షర్ పటేల్ గాయపడ్డాడు. దీంతో బీసీసీఐ భారత వరల్డ్ కప్ స్క్వాడ్ను మార్చాల్సి వచ్చింది. అందులో భాగంగా సీనియర్ ప్లేయర్ రవిచంద్రన్ అశ్విన్ను జట్టులోకి తీసుకున్నారు. అయితే, అక్షర్ పటేల్ స్థానంలో అశ్విన్ జట్టులోకి వచ్చే క్రమంలో జరిగిన పరిణామాలను బీసీసీఐ అధికారి ప్రత్యేకంగా 'ఈటీవీ భారత్'కు తెలిపారు.
సెప్టెంబర్ 5న బీసీసీఐ వరల్డ్ కప్ 2023 జట్టును ప్రకటించింది. ఇందులో ఆల్రౌండర్ రవీంద్ర జడేజాతో పాటు అక్షర్ పటేల్ను రెండో స్పిన్నర్గా తీసుకున్నారు. అక్షర్ పటేల్ గాయం కారణంగా పరిస్థితులు మారాయి. అతడు కోలుకోవడానికి 4-5 వారాల సమయం పడుతుంది. ఈ నేపథ్యంలో తమకు వేరే మార్గం కనబడలేదని.. అందుకే సీనియర్ ప్లేయర్, మంచి అనుభవం కలిగిన రవిచంద్రన్ అశ్విన్ను జట్టులోకి తీసుకున్నామని పేరు చెప్పడానికి ఇష్టపడని ఓ బీసీసీఐ అధికారి 'ఈటీవీ భారత్'కు చెప్పారు.
"అక్షర్కు గాయం అయిన తర్వాత అశ్విన్ను జట్టులోకి తీసుకోవడం కోసం టీమ్ఇండియా కెప్టెన్ రోహిత్ శర్మ అతడిని సంప్రదించాడు. అయితే, ఫిట్నెస్ సాధించేందుకు తనకు కొంత సమయం కావాలని అశ్విన్.. రోహిత్ను అడిగాడు. ఆ తర్వాత జట్టు కూర్పుపై తీవ్ర కసరత్తు చేసి, లెక్కలు వేసుకుని.. నలుగురు పేసర్లతో పాటు ఒక ఆఫ్ స్పిన్నర్, లెఫ్ట్ హ్యాండ్ స్నిన్నర్తో స్క్వాడ్ ఎంపిక పూర్తి చేశాం" అని ఆ బీసీసీఐ అధికారి వివరించారు.
World Cup 2023 India Matches : ఆసియా కప్ 2023 తర్వాత బెంగళూరులోని జాతీయ క్రికెట్ అకాడమీ- ఎన్సీఏలో అశ్విన్ శిక్షణ తీసుకుంటున్నాడు. వరల్డ్ కప్ 2023లో భాగంగా ఐదుసార్లు మెగా టోర్నీ ఛాంపియన్గా నిలిచిన ఆస్ట్రేలియాతో అక్టోబర్ 8న చెన్నైలో జరిగే మ్యాచ్లో అశ్విన్ అందుబాటులో ఉంటాడు.
వరల్డ్ కప్ 2023 భారత జట్టు: రోహిత్ శర్మ (కెప్టెన్), శుభమన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్ (వికెట్ కీపర్), ఇషాన్ కిషన్ (వికెట్ కీపర్), సూర్యకుమార్ యాదవ్, హార్దిక్ పాండ్య (వైస్ కెప్టెన్), రవీంద్ర జడేజా, రవిచంద్రన్ అశ్విన్, కుల్దీప్ యాదవ్, శార్దూల్ ఠాకూర్ , మహ్మద్ షమీ, మహ్మద్ సిరాజ్, జస్ప్రీత్ బుమ్రా.
World Cup 2023 Tickets : ప్రపంచకప్నకు బీసీసీఐ రెడీ.. టికెట్ల విక్రయాలు అప్పటినుంచే..
BCCI Team India : ఒకే దెబ్బకు రెండు పిట్టలు.. ఆ మాస్టర్ ప్లాన్తో టీమ్ఇండియా ఓ మెట్టు పైకి
