భారత క్రికెట్ నియంత్రణ బోర్డు (బీసీసీఐ)కు ధన్యవాదములు తెలిపారు క్రికెట్ ఆస్ట్రేలియా తాత్కాలిక సీఈఓ నిక్ హాక్లీ. తమ ఆటగాళ్లను క్షేమంగా, త్వరగా స్వదేశానికి చేర్చడం బీసీసీఐ గొప్పతనమని పేర్కొన్నారు.
"మాకు సంతోషంగా ఉంది. మా క్రికెటర్లను క్షేమంగా, త్వరగా స్వదేశానికి చేరవేసినందుకు బీసీసీఐకి ధన్యవాదములు. ఇది ఆ బోర్డు గొప్పతనం. వారిక్కడికి వచ్చిన దగ్గరి నుంచి నేను వారితో ఇంకా మాట్లాడలేదు. స్వదేశానికి చేరినందుకు వారెంతో ఉపశమనం పొంది ఉంటారు."
-నిక్ హాక్లీ, క్రికెట్ ఆస్ట్రేలియా తాత్కాలిక సీఈఓ.
కొవిడ్ నేపథ్యంలో ఐపీఎల్ను మే 4న నిరవధిక వాయిదా వేస్తూ నిర్ణయం తీసుకుంది బీసీసీఐ. అదే సమయంలో భారత్ నుంచి ఆస్ట్రేలియాకు విమానాల రాకపోకలను నిషేధించింది ఆస్ట్రేలియా ప్రభుత్వం. ఆటగాళ్లతో పాటు కోచ్లు, వ్యాఖ్యతలు.. మొత్తం 38 మంది లీగ్లో పాల్గొన్నారు. వారిని స్వదేశానికి పంపించే బాధ్యతను భారత క్రికెట్ బోర్డు తీసుకుంది. తొలుత వారిని మాల్దీవులకు పంపించి.. అక్కడి నుంచి ఆస్ట్రేలియాకు చేరవేసింది.
ఇదీ చదవండి: జడేజాను అనుకరించిన ధోనీ.. జడ్డూ ఫన్నీ రిప్లై!
