అహ్మదాబాద్ వేదికగా టీమ్ఇండియాతో జరిగిన మూడో టెస్టు రెండు రోజుల్లో ముగియడంపై ఇంగ్లాండ్ మాజీలు పిచ్పై విమర్శలు గుప్పించారు. ఈ నేపథ్యంలో ఈటీవీ భారత్కు ఇచ్చిన ప్రత్యేక ఇంటర్వ్యూలో మొతేరా పిచ్పై ఇంగ్లాండ్ మాజీ కోచ్ మార్క్ రాబిన్సన్ స్పందించాడు. ఏ సిరీస్ అయినా ఆతిథ్య జట్టుకే ఎక్కువ ప్రయోజనమని అన్నాడు. దీంతో టీమ్ఇండియాకు అనేక విధాలుగా అది కలిసొచ్చిందని తెలిపాడు. ఇంగ్లాండ్ జట్టులోని రొటేషన్ విధానంపై వస్తున్న విమర్శలపై రాబిన్సన్ మాట్లాడాడు. ఆ విశేషాలు మీకోసం..
నాలుగో టెస్టులో గెలిచేందుకు ఇంగ్లాండ్కు ఆస్ట్రేలియా మద్దతు ఇవ్వడంపై మీరేమంటారు?
సిరీస్లోని ఆఖరి టెస్టులో ఇంగ్లాండ్ జట్టు టీమ్ఇండియాను ఓడిస్తే.. ప్రపంచ టెస్టు ఛాంపియన్షిప్ చేరుకునేందుకు ఆస్ట్రేలియాకు అవకాశం వస్తుంది. కానీ, నా ఉద్దేశం ప్రకారం వారు నిజంగా ఇంగ్లాండ్కు మద్దతు ఇస్తారు అని నేను అనుకోను.
చివరిటెస్టులో ఇంగ్లాండ్ తుది జట్టు గురించి?
ఈ పరిస్థితిలో తుది జట్టును ఊహించడం చాలా కష్టం. మూడో టెస్టులో సీమర్లకు అవకాశం ఇచ్చారు. పేసర్లదే పైచేయి అనుకున్నాం. కానీ, ఎవ్వరూ ఊహించనట్టుగా స్పిన్నర్లకు కలిసొచ్చింది. కాబట్టి నాలుగో టెస్టుకు జట్టును ఎంపిక చేసే ముందు పిచ్ గురించి ఆలోచిస్తారు. పిచ్ను దృష్టిలో ఉంచుకుని ఫామ్లో ఉన్న ఆటగాళ్లను ఎంచుకుంటారని ఆశిస్తున్నా.
ఇంగ్లాండ్ జట్టు పునరాగమనంపై మీ సమాధానం?
సిరీస్లో వరుసగా రెండు టెస్టుల్లో ఓడిపోయిన తర్వాత ఇప్పుడు తిరిగి పట్టుసాధించడం అంత సులువుకాదు. గెలుపు కోసం తీవ్రంగా శ్రమించాలి. టీమ్ఇండియాపై ఒత్తిడి తీసుకురావాలి. కానీ, గత రెండు మ్యాచ్ల్లో మా జట్టు అలా చేయలేకపోయింది. బ్యాటింగ్లో అద్భుతమైన భాగస్వామ్యాన్ని నెలకొల్పి.. ప్రత్యర్థులకు సరైన లక్ష్యాన్ని నిర్దేశించాల్సిన అవసరం ఉంది.
న్యూట్రల్ పిచ్ క్యూరేటర్పై మీరేమంటారు?
బహుశా మేము తటస్థ పిచ్ క్యూరేటర్ను కలిగి ఉండొచ్చు. లేదా మొతేరా టెస్టు లాంటి ఘటన జరిగి ఉండేది కాదు.
ఇంగ్లాండ్ జట్టులో రొటేషన్ విధానంపై..?
ఇంగ్లాండ్ జట్టులో రొటేషన్ విధానం గురించి పూర్తిగా తెలియకుండా దాన్ని విమర్శించలేం. కానీ, నా అనుభవం ప్రకారం ప్రతి సిరీస్ ముందు ప్రణాళికలు రూపొందిస్తారు. అవి సరిగ్గా అమలు చేయొచ్చు లేదా చేయకపోవచ్చు. కానీ, జానీ బెయిర్స్టో విషయంలో మాత్రం నేను నిజంగా బాధపడుతున్నా.
ఇదీ చూడండి: కోహ్లీసేన భయపడాల్సిన పనిలేదు: అక్తర్
