మంగళవారం విడుదలైన ఐసీసీ టీ20 మహిళల బౌలింగ్ ర్యాంకింగ్స్లో టీమ్ఇండియా ప్లేయర్ దీప్తి శర్మ రెండో స్థానానికి ఎగబాకింది. ప్రస్తుతం వెస్టిండీస్, సౌతాఫ్రికాతో జరుగుతున్న టీ20 ట్రై సిరీస్లో 9 వికెట్లు తీసి టాప్లో ఉన్న దీప్తి.. 739 పాయింట్లతో రెండో స్థానాన్ని చేరింది. ఇంగ్లాండ్కు చెందిన సోఫీ ఎక్కలిస్టోన్ మొదటి స్థానంలో నిలిచింది. సోఫీకి, దీప్తికి మధ్య పాయింట్ల అంతరం 26 మాత్రమే ఉంది. ఇదే ట్రై సిరీస్లో నాలుగు వికెట్లు తీసిన సౌతాఫ్రికన్ లెఫ్ట్ ఆర్మ్ స్పిన్నర్ నోంకులులెకో మ్లాబా 732 పాయింట్స్తో మూడో స్థానాన్ని చేజిక్కిచ్చుకుంది.
వీరిద్దరూ తమ ఫామ్‌ ఇలాగే కొనసాగిస్తే, ఫిబ్రవరి 10 నుంచి దక్షిణాఫ్రికాలో జరగనున్న మహిళల టీ20 ప్రపంచకప్‌కు ముందే సోఫీ స్థానానికి ఎసరుపెట్టే అవకాశం ఉంది. కాగా, మరో టీమ్ఇండియా లెఫ్ట్ ఆర్మ్ స్పిన్నర్ రాజేశ్వరి గైక్వాడ్ తన ర్యాంక్ను మెరుగుపరుచుకుని 14వ స్థానానికి ఎగబాకింది. అయితే టాప్-10 బౌలర్ల జాబితాలో ఆస్ట్రేలియా పేసర్ మేగాన్ షట్..ఆరు స్థానాలు ఎగబాకి ఐదో స్థానానికి చేరుకోగా ఇంగ్లాండ్ సీమర్ కేథరీన్ స్కివర్-బ్రంట్ రెండు స్థానాలు ఎగబాకి ఆరో స్థానంలో నిలిచింది.
మరోవైపు ఆస్ట్రేలియా కుడిచేతి వాటం ప్లేయర్ తహ్లియా మెక్‌గ్రాత్ టీ20 బ్యాటింగ్ ర్యాంకింగ్స్లో అగ్రస్థానాన్ని సొంతం చేసుకుంది. టీమ్ఇండియా ప్లేయర్ స్మతి మందన్నా మూడో స్థానంలో ఉంది. అయితే భారత్-వెస్టిండీస్‌తో జరిగిన ట్రై-సిరీస్లో సౌతాఫ్రికా ప్లేయర్ లారా వోల్వార్డ్ట్ నాలుగు స్థానాలు ఎగబాకి తొమ్మిదో స్థానానికి చేరుకోగా..ఇదే టీమ్కు చెందిన తజ్మిన్ బ్రిట్స్ అర్ధ సెంచరీ కొట్టి 10 స్థానాలు ఎగబాకి 18వ స్థానానికి చేరుకుంది. వెస్టిండీస్ కెప్టెన్ హేలీ మాథ్యూస్ నాలుగు స్థానాలు ఎగబాకి 22వ ర్యాంక్‌కు చేరుకుంది.
ఆల్‌ రౌండర్‌ల టాప్-10 జాబితాలో గత ర్యాంకింగ్స్తో పో లిస్తే కొంత మేరకు మాత్రమే మార్పులు జరిగాయి. అలా ఆస్ట్రేలియా ప్లేయర్ ఎల్లీస్ పెర్రీ పాకిస్థాన్‌తో జరిగిన మ్యాచ్తో 10వ స్థానానికి చేరుకుంది.
