వెస్టిండీస్ స్టార్ ఆల్రౌండర్ డ్వేన్ బ్రావో సంగీతాభిరుచి గురించి ప్రత్యేకంగా చెప్పాల్సిన అవసరం లేదు. మైదానంలో తన ఆటతో పాటు సందర్భానుసారంగా పాటలు రూపొందించి, అభిమానులను అలరిస్తుంటాడు. లాక్డౌన్ వేళ ఇంటికే పరిమితమైన ఈ ఆల్రౌండర్... నటి సన్నీ లియోనీతో ఇన్స్టా వేదికగా లైవ్ సెషన్లో పాల్గొన్నాడు.
ఈ సందర్భంగా వీరిద్దరూ బ్రావో రూపొందించిన 'ఛాంపియన్' పాటకు స్టెప్పులేస్తూ కనిపించారు. దీనితో పాటే చాలా విషయాల గురించి సరదాగా మాట్లాడుకున్నారు. ఇందుకు సంబంధించిన ఓ వీడియో ప్రస్తుతం వైరల్గా మారింది.
కరోనా కట్టడి కోసం ప్రజల్లో అవగాహన పెంచేందుకు సోషల్ మీడియా వేదికగా పలు జాగ్రత్తలు చెబుతున్నాడు బ్రావో. ఇటీవలే టీమిండియా మాజీ సారథి ధోనీపై ప్రశంసల జల్లు కురింపించిన ఇతడు.. మహీపై ఓ పాటను కంపోజ్ చేస్తున్నట్లు తెలిపాడు.
- " class="align-text-top noRightClick twitterSection" data="">
