సిడ్నీ వేదికగా టీమ్ఇండియాతో జరుగుతోన్న మూడో టెస్టులో ఆస్ట్రేలియా బ్యాట్స్మన్ స్టీవ్స్మిత్ సెంచరీతో అలరించాడు. దీంతో టెస్టు క్రికెట్లో భారత జట్టుపై అత్యధిక శతకాలు సాధించిన ఆటగాడిగా నిలిచాడు. టీమ్ఇండియాతో 25 ఇన్నింగ్స్లలో ఆడిన స్మిత్.. 8 సెంచరీలు చేశాడు.
టీమ్ఇండియాపై 8 సెంచరీలు చేసిన ఆస్ట్రేలియన్ ఆటగాళ్ల జాబితాలో గ్యారీ సోబెర్స్ (30 ఇన్నింగ్స్) , వివియాన్ రిచర్డ్స్ (41 ఇన్నింగ్స్), రికీ పాంటింగ్ (51 ఇన్నింగ్స్) ఉన్నారు.
టెస్టు కెరీర్లో ఇప్పటివరకు 27 సెంచరీలు చేసిన స్మిత్.. విరాట్ కోహ్లీ, గ్రేమ్ స్మిత్, అలెన్ బోర్డర్లతో సమం చేశాడు. 2017లో ధర్మశాల వేదికగా టీమ్ఇండియాతో జరిగిన టెస్టులో శతకాన్ని నమోదు చేసిన స్మిత్ (111).. దాదాపుగా నాలుగేళ్ల తర్వాత మరోసారి సెంచరీ చేయడం విశేషం.
ఇదీ చూడండి: సిడ్నీ టెస్టు: శుభ్మన్ గిల్ అర్ధశతకం.. భారత్ 96/2
