పాకిస్థాన్ టీనేజ్ సంచలనం నసీమ్ షా.. టెస్టుల్లో రికార్డు సృష్టించాడు. తక్కువ వయసులోనే ఈ ఫార్మాట్లో హ్యాట్రిక్ తీసిన బౌలర్గా నిలిచాడు. పాక్ తరఫున ఈ ఘనత సాధించిన నాలుగో బౌలర్ ఇతడు. బంగ్లాదేశ్తో జరుగుతున్న తొలి టెస్టులో, 16 ఏళ్ల 11 నెలల 360 రోజుల్లోనే ఈ ఘనత సాధించాడు. నసీమ్ బౌలింగ్లో వరుసగా హుస్సేన్ శాంటో(38), తైజుల్ ఇస్లామ్(0), మహ్మదుల్లా(0) పెవిలియన్ చేరారు.
ఈ మ్యాచ్లో టాస్ ఓడి, తొలుత బ్యాటింగ్కు చేసిన బంగ్లాదేశ్.. 233 పరుగులకు ఆలౌట్ అయింది. ఆ తర్వాత పాక్.. 445 పరుగులకు అన్ని వికెట్లు కోల్పోయింది.
రెండో ఇన్నింగ్స్లో ప్రస్తుతం.. 6 వికెట్ల నష్టానికి 126 పరుగులతో ఉంది బంగ్లాదేశ్. మరో 86 పరుగులు చేస్తే, ఇన్నింగ్స్ ఓటమి నుంచి ఈ జట్టు తప్పించుకోవచ్చు. క్రీజులో మొమినుల్ హక్(37), లిటన్ దాస్(0) ఉన్నారు.
