కరోనా వల్ల ప్రపంచవ్యాప్తంగా జరగాల్సిన క్రీడా ఈవెంట్లు కొన్ని రద్దవగా, మరికొన్ని వాయిదా పడ్డాయి. ఈ క్రమంలో ఇంటికే పరిమితమైన పలువురు క్రికెటర్లు.. ఉత్తమ ఆటగాళ్లతో కూడిన జట్లను తయారు చేస్తున్నారు. ఇదే తరహాలో దక్షిణాఫ్రికా మాజీ ఆల్రౌండర్ జేపీ డుమిని, ఆల్టైమ్ ఐపీఎల్ ఎలెవన్ను ఎంపిక చేశాడు. అయితే ఇందులో చెన్నె సూపర్కింగ్స్ కెప్టెన్ ధోనీతో పాటు సురేశ్ రైనాలకు స్థానం కల్పించలేదు.
తాను ప్రకటించిన జట్టులో విదేశీ ఆటగాళ్ల ఎంపిక విధానంలోని రూల్ను పాటించలేదు. భారత్కు చెందిన కేవలం ఇద్దరు క్రికెటర్లను మాత్రమే ఎంపిక చేశాడు డుమిని. క్రిస్ గేల్ను ఓపెనర్గా, 2009లో డెక్కన్ ఛార్జర్స్కు కెప్టెన్గా వ్యవహరించిన గిల్క్రిస్ట్ను అతడి ఓపెనింగ్ భాగస్వామిగా ఎంపిక చేశాడు.
రాయల్ ఛాలెంజర్స్ బెంగళూరు కెప్టెన్ విరాట్ కోహ్లీని తన ఐపీఎల్ జట్టుకు సారథిగా నియమించాడు డుమిని. వీరితో పాటు రోహిత్ శర్మ, ఏబీ డివిలియర్స్.. ఆల్రౌండర్ల జాబితాలో ఆండ్రూ రసెల్, కీరన్ పొలార్డ్లను ఎంపిక చేశాడు. బౌలింగ్ లైనప్లో లసిత్ మలింగ, బ్రెట్ లీ.. స్పిన్నర్లలో ముత్తయ్య మురళీధరన్, ఇమ్రాన్ తాహిర్లను తీసుకున్నాడు.
జేపీ డుమిని ఆల్టైమ్ ఐపీఎల్ ఎలెవన్:
క్రిస్ గేల్, ఆడమ్ గిల్క్రిస్ట్, రోహిత్ శర్మ, విరాట్ కోహ్లీ (కెప్టెన్), ఏబీ డివిలియర్స్, కీరన్ పొలార్డ్, ఆండ్రూ రసెల్, బ్రెట్ లీ, ముత్తయ్య మురళీధరన్, లసిత్ మలింగ, ఇమ్రాన్ తాహిర్
ఇదీ చూడండి... ''పెర్త్'ను ఎంపిక చేయకపోవడానికి కారణం అదే'
