లాక్‌డౌన్‌ వేళ ఇంట్లో ఉంటూనే టీమిండియా క్రికెటర్లు తమ అభిమానులను అలరిస్తున్నారు. కుటుంబసభ్యులతో సరదాగా గడుపుతూ ఆ సమయాన్ని ఆస్వాదిస్తున్నారు. టీమిండియా మాజీ సారథి మహేంద్రసింగ్‌ ధోనీ.. రాంచీలోని విలాసవంతమైన ఫామ్‌హౌజ్‌లో సేద తీరుతున్నాడు. కూతురు జీవాతో కలిసి రయ్ రయ్ మంటూ బైక్ రైడింగ్‌ చేశాడు. ధోనీ సతీమణి సాక్షి ఆ వీడియోలను ఇన్స్టాలో అభిమానులతో పంచుకుంది. ఈ వీడియోలకు తెగ లైకులు, కామెంట్లు పెడుతున్నారు నెటిజన్లు.
గతేడాది ఇంగ్లాండ్‌లో వన్డే ప్రపంచకప్‌ సెమీఫైనల్లో టీమిండియా.. న్యూజిలాండ్‌ చేతిలో ఓటమిపాలయ్యాక ధోనీ క్రికెట్‌కు దూరమయ్యాడు. అప్పటి నుంచీ మహీ అభిమానులు ఐపీఎల్‌ కోసం ఎదురు చూశారు. ఈ లీగ్లో ఈసారి చెలరేగి మళ్లీ టీమిండియా జట్టులోకి వస్తాడని ఆశించారు. అయితే, కరోనా వైరస్‌ దెబ్బతో టోర్నీనే వాయిదాపడింది. దీంతో చెన్నైలో ప్రాక్టీస్‌ మొదలెట్టిన ధోనీ.. తిరిగి రాంచీకి చేరుకున్నాడు. ఇప్పుడున్న పరిస్థితుల్లో ఐపీఎల్‌ 13వ సీజన్ నిర్వహణ‌పై అనుమానాలు రేకెత్తుతున్నాయి. ఈ నేపథ్యంలో ఇతడి భవితవ్యంపై సందేహాలు వ్యక్తమవుతున్నాయి.
- " class="align-text-top noRightClick twitterSection" data="
">
ఇదీ చూడండి : బుమ్రా నంబర్.1 అవుతాడని ముందే చెప్పిన యువీ
